Umugabo w’umunya Indonesia wari waraburiwe irengero yatoraguwe yapfuye, polisi ivuga ko yari yaramizwe n’ ikiyoka kinini.
Akbar yaburiwe irengero ku Cyumweru ahitwa Sulawesi, avuye gusarura amavuta y’imingazi.
Ubwo barimo bashaka uwo mugabo w’imyaka 25, nibwo abapolisi babonye ikiyoka kinini bakeka ko aricyo cyamize uwo mugabo
Polisi yahise ibaga iyo nzoka ifite metero zirindwi z’ uburebure isanga uwo mugabo yarapfiriye mu nda yayo.
Inzoka yari yaramize uwo mugabo ni uruziramire. Uruziramire (...)

Sponsored Ad

Umugabo w’umunya Indonesia wari waraburiwe irengero yatoraguwe yapfuye, polisi ivuga ko yari yaramizwe n’ ikiyoka kinini.

Akbar yaburiwe irengero ku Cyumweru ahitwa Sulawesi, avuye gusarura amavuta y’imingazi.

Ubwo barimo bashaka uwo mugabo w’imyaka 25, nibwo abapolisi babonye ikiyoka kinini bakeka ko aricyo cyamize uwo mugabo

Polisi yahise ibaga iyo nzoka ifite metero zirindwi z’ uburebure isanga uwo mugabo yarapfiriye mu nda yayo.

Inzoka yari yaramize uwo mugabo ni uruziramire. Uruziramire ni kimwe mu bikoko birebire mu bikururanda.

Mbere y’ uko rumira umuntu rubanza kumuniga. Muri ako gace byabereyemo inziramire zica kandi zikarya abantu, ariko rimwe na zikunze kumira abana bato cyangwa izindi nyamaswa zirimo ingurube zo mu ishyamba n’ imbwa.

Umuvugizi wa West Sulawesi, Mashura, yabwiye BBC ko abanyagihugu aribo babwiye polisi ko hashize amasaha 24 umugabo witwa Akbar aburiwe irengero.

Polisi ikimara kumenya ayo makuru yahise itangira kumushakisha imusanga mu nzoka mu murima w’ imingazi

Nia Kurniawan, wo muri Kaminuza ya Brawijaya, yabwiye BBC ko inziramire zingana niyo zihiga ibikoko binini birimo ingurube zo mu ishyamba n’imbwa.

Ngo zirinda kujya aho abantu baba, zigahigira mu mashyamba y’imingazi, kuberako ayo mavuta y’imingazi akurura izo ngurube, ibikoko byo mu bwoko bw’inkende n’imbwa.