Kigali

Dore ibintu 6 wakorera umukunzi wawe ukamwibagiza babandi bose bamutereta

Urukundo   Yanditswe na: Muhire Jason 12 July 2018 Yasuwe: 4209

. Ibyo wakorera umukobwa mukundana akarushaho kugukunda
. Ibyo abakobwa baba biteze gukorerwa n’abahungu bakundana
. Ibishimisha abakobwa iyo babikorewe n’abahungu bakundana
. Ibintu byereka umukobwa ko umuhungu bakundana amufiteho gahunda. Ni iki nakorera umukobwa dukundana ntazanyibagirwe. Ni iki nakorera inshuti yanjye kikayishimisha.

1.Kumubwira ko muzarushinga

Umukobwa aho ava akagera arota umunsi w’ubukwe bwe:Uko azaba yambaye ,imodoka nziza azagendamo n’umugabo we, ukuntu inshuti ze zizamutahira ubukwe,…Ikintu gishimisha umukobwa cyambere ni ukumubwira ko wifuza ko azakubera mutima w’urugo mukabana akaramata. Siwe urota ubivuga. Nubwo atabiguhingukiriza, iri jambo igihe utararimubwira aba agufata nk’abandi bose kuko nyine aba abona nta gahunda umufitiye ihamye.

2.Guhora umubwira ko umukunda

N’ubwo abenshi batabiha agaciro cyangwa bagakeka ko kubivuga kenshi bigaragara nabi ,abakobwa bakunda umuntu uhora abasubiririramo ko abakunda. Kumubwira I love you cyangwa je t’aime fort,biramushimisha cyane. Uzabibwirwa n’uko uzabimubwira ukabona ibyishimo biramusaze ndetse akabigusubirishamo kenshi.

3.Kumusohokana

N’ubwo ubukungu bw’abantu butangana ariko iyo wikoze ku ikofi ugasohokana umukobwa biramunezeza. Ababazwa no kubona abandi basore basohokana abakobwa bakundana, akumva yabigusaba akubura aho ahera. Hari n’abakobwa byanga mu nda bakanga kubyihererana ukumva arabigusabye. Burya biba byamurenze.

4.Kumugenera impano

Simvuze ngo uziyemere cyangwa utange n’ibyo udafite ariko gira igihe runaka umutungure umuhe impano. Gukundana n’umukobwa imyaka runaka nta mpano umuha rwose ni ubumenyi buke mu gutereta abahungu benshi bibitseho. Impano ishimisha umukobwa si ihenze cyane ahubwo akantu gato kataguhenze ariko umutunguje karamunyura bikanamwereka ko umuzirikana. Keretse iyo ari babandi badutse baba bashaka kurya amafaranga y’abahungu nibo bidashimisha. Ikizamukubwira ni uko uzamutungura ukamuha impano idahenze cyane ukabona bitamushimishije habe na gato. Uzamenye ko nta gahunda ndetse n’urukundo agufitiye.

5.Kumujyana mu birori

Abakobwa bakunda kwitabira ibirori. Ibi bijya gusa no gusohokana ariko gusohokana mujyanye mu birori byo ku bakobwa ni injyanamuntu. Mufate umujyane mu bukwe watumiwemo ndetse niba waranamwemereye kuzakubera mama w’abana bawe, muganire ndetse munitegereze uko ibirori byanyu namwe bizaba bimeze. Uzumva atangiye kukubwira amakanzu meza, indabo nziza… Uzamenye ko wongereye amanota wari usangwanywe imbere ye.

6.Kumwereka ababyeyi

Ibi ahanini bikorwa n’abamaze kwemeranya ko bazarushinga. Nibwo umuhungu ajyana umukobwa akamwereka ababyeyi n’umuryango we. Ariko si buri gihe. Niba umukunda by’ukuri mujyane umwereke abababyeyi bawe bizamushimisha. Bimuha icyizere ko urukundo rwanyu rufite intego kandi wizihiwe n’uko ari inshuti yawe. Si igitegwajoro mwereke n’inshuti zawe.

Author : Muhire Jason

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Imitoma 12 irenze ushobora kwifashisha kugira ngo ugushe neza umutima...

Koherereza amagambo meza umukunzi wawe ukoresheje ubutumwa bugufi ni ikintu...
23 October 2018 Yasuwe: 1083 0

Ibintu 15 umusore yakwifashisha ngo yigarurire umutima w’umukobwa w’uburanga...

Burya n’ubwo ngo abantu bose ku isi badashimishwa n’ibintu bimwe, hari ibintu...
23 October 2018 Yasuwe: 1288 0

Iyi niyo myitwarire izakubwira inkumi y’ubu yigize umukuzi w’amenyo ’gold...

Ikibazo cy’abakobwa bakunda ibintu ku buryo burenze ubukenewe (abo bita...
22 October 2018 Yasuwe: 3666 0

Ibi nibyo bintu 10 by’ingenzi ku basore b’iki gihe bibafasha gukurura inkumi...

Abagabo ni bamwe mubantu batagorana ndetse bataruhanya, kuribo iyo bagiye...
22 October 2018 Yasuwe: 1958 0

Niba uri umusore sobanukirwa ibi bintu uko ari 15 ku bakobwa b’iki...

Burya n’ubwo ngo abantu bose ku isi badashimishwa n’ibintu bimwe, hari ibintu...
21 October 2018 Yasuwe: 3479 0

Iyi niyo mitoma igezweho umugabo cyangwa umusore yakwifashisha agaragariza...

Dore amwe mumaganbo meza umugabo cyangwa umusore akwiye kubwira umukunziwe...
21 October 2018 Yasuwe: 4757 0