Kigali

Dore ingaruka zikomeye abagore batera akabariro ntibarangize bahura nazo n’ibimenyetso byazo

Urukundo   Yanditswe na: Martin Munezero 4 November 2017 Yasuwe: 3115

Kutagira ububobere mu gitsina ku mugore (sécheresse vaginale) no kutarangiza uko bikwiye bigira ingaruka mbi ku migendekere myiza y’igihe cy’imibonano mpuzabitsina n’imibanire muri rusange hagati y’abashakanye. Hari impamvu zinyuranye zishobora gutera iki kibazo ariko kandi hari n’uburyo ibi biba bishobora gukemuka.

Nk’uko urubuga rwandika ku buzima doctissimo.com, rubitangaza, umugore 1 kuri 6 (1/6) agira ububabare mu gihe cyo gukora imibonano mpuzabitsina, ibi bikaba biterwa n’uko mu gitsina nta bubobere buhagije buba burimo. Uru rubuga kandi ruvuga ko bitewe n’imiterere y’umugore cyangwa uburyo abashakanye bakora imibonano, umugore umwe muri bane akora imibonano mpuzabitsina n’uwo bashakanye ikarangira we atabashije kugera ku byishimo bya nyuma (kurangiza) mu gihe umugabo we aba yarangije.

Kutagira ububobere mu gitsina bishobora gufata umugore mu bihe bitandukanye by’ubuzima bitewe n’impamvu zitandukanye. Abagore bageze mu myaka yo gucura (menopause) nibo bakunze kwibasirwa n’ubu burwayi, ariko n’abagore bakiri bato bashobora kugira icyo kibazo cy’ububobere bucye mu gitsina.

Uretse iki kibazo gishobora kubangamira abashakanye mu gihe cyo gutera akabariro, abagore batarangiza mu gihe cyo gutera akabariro nabo babihirwa cyane n’ubuzima bw’abashakanye, n’umunezero mu rugo rwabo ukaba wakendera.

Jean Claude Habimana, ni umuvuzi gakondo wemewe na Minisiteri y’Ubuzima mu Rwanda, ukorera mu gace ka Nyabugogo mu mujyi wa Kigali aho afite ivuriro ryitwa "Ubuzima buzira umuze". Avuga ko amaze igihe kirekire avura indwara zijyanye n’ubuzima bw’imyororokere kandi akaba yaragize uruhare mu kubaka ingo nyinshi zari zigeze mu marembera, ibyo akaba yarabigezeho akoresheje ubujyanama n’imiti aha abagore ikabafasha kubona ububobere n’amavangingo ahagije mu gihe cyo gutera akabariro, ariko n’abagabo akabaha imiti ituma imyanya myibarukiro yabo ikora neza bakabasha gushimisha abagore babo no kubafasha kugera ku byishimo bya nyuma muri icyo gikorwa.

Jean Claude Habimana avuga ko umugore utabashije gukora neza imibonano mpuzabitsina agerwaho n’ingaruka nyinshi kandi mbi kuburyo uretse no kuba byatuma asenya, byanamutera umutima mubi ubuzima bwe bwose, n’umubonye akagirango ni kamere mbi nyamara byaratewe n’imigendekere mibi y’igikorwa cyo gutera akabariro.

Avuga ko umugore utabashije gukora neza imibonano mpuzabitsina, ashobora no kwibasirwa n’uburwayi butandukanye burimo ubwo guhorana umutwe udakira, kubyimba ibirenge, kubabara umugongo cyane cyane igice cyawo cyo hasi, kumererwa nabi mu kiziba cy’inda, kugira umushiha udasanzwe, kuzana akada imbere kagaragara nk’akarimo amazi n’ibindi.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umuti wa burundu uvura kurangiza vuba no kubura ubushake bwo gutera...

Mu buzima busanzwe bijya bibaho ko umugabo ajya gukora imibonano...
16 August 2018 Yasuwe: 4527 0

Mugore: Reba ibimenyetso 22 byakwereka ko umugabo wawe arambiwe kubana...

Umubano mwiza w’umugore n’umugabo akenshi ukunze kubaho igihe bose bumva...
16 August 2018 Yasuwe: 2740 1

Impamvu 7 nta mukobwa ukwiriye kwifotoza yambaye ubusa ku mbuga...

Umuvuduko w’iterambere ry’isi uri kugenderaho ujyana nuw’ ikoranabuhanga muri...
16 August 2018 Yasuwe: 1770 0

Ibintu 10 buri mugabo adakunda ku mugore we

Urwango” ni ijambo ribi cyane. Ariko ntibivuze ko ryaba ribi ku rwego...
14 August 2018 Yasuwe: 7162 1

Dore impamvu umugore ashobora kurira mu gihe cyo gutera akabariro

Ese kurira cyangwa gutaka k’umugore mu gihe cyo gutera akabariro biterwa...
14 August 2018 Yasuwe: 3584 0

Umukobwa wa Obama yagaragaye mu Bwongereza ari mu rukundo n’...

Maria Obama , umukobwa wa Barack Obama wahoze ari Perezida wa Leta zunze...
14 August 2018 Yasuwe: 3549 0