Gasabo: Umusore yabenze umukobwa bitewe n’ imyitwarire mibi ya Nyirabukwe

4 January 2017. | Urukundo | 10 Ibitekerezo | Nsanzimana Ernest
  • Gasabo: Umusore yabenze umukobwa bitewe n’ imyitwarire mibi ya Nyirabukwe

Mu karere ka Gasabo mu mujyi wa Kigalii umuhungu wari waramaze gufata irembo yahisemo guhagarika ubukwe bidaturutse ku myitwarire y’umukobwa yifuzaga kuzabana nawe ahubwo biturutse ku myitwarire ya nyina w’umukobwa umuhungu atishimiye .

Mu karere ka Gasabo ahari abiteguraga ubukwe, haje kumvikana inkuru mu miryango yombi ko ubukwe bwahagaze kuko umusore yisubiyeho gusa ngo yirinze gutangaza impamvu yabimuteye. Ubukwe bwari buteganyijwe muri Gicurasi 2017

Bigitangira urukundo rwari umunyenga

Uyu musore yatangaje ko umukobwa batandukanye yamwishimiraga cyane ndetse ngo kubera urukundo yari amufitiye hari nubwo babaga barimo gutembera maze akamuheka kugira ngo yishime. Ati “Njye naramukundaga cyane, hari nubwo namuhekaga ntitaye ku byo abantu bavuga kuko numvaga nakora icyamushimisha cyose.

“Twakundanye imyaka ibiri, ishize tujya gufata irembo kuko twari twaremeranyijwe kuzabana muri Gicurasi 2017.”

Uyu musore avuga ko nyuma yo gufata irembo ngo umukobwa yamweretse ko ashira isoni, atangira kubona umukobwa amwubahuka ndetse akamusubiza uko yishakiye bitandukanye na mbere.

Uyu musore ati “Rimwe hari ubwo yampamagaye ndi mu rusaku rwinshi Nyabugogo sinayumva, ngeze mu rugo muhamagaye arambwira ngo arabona nzamuharika akiri muto ngo ubwo narindi mu bandi bagore.”

Uyu musore avuga ko ibyo byatumye bashwana gusa nyuma y’igihe gito basabana imbabazi maze urukundo rwongera kuryoha.

Uko nyirabukwe yabaye nyirabayazana

Bitewe n’uko ari umuhungu ndetse n’umukobwa batuye mu murenge umwe, ngo basuranaga kenshi ndetse uyu muhungu akaba ataca ku rugo atabasuhuje niyo yaba azi uko umukunzi we adahari.

Kera kabaye ngo yanyuzeyo nk’uko yabimenyereye, gusa icyo gihe umukunzi we yari ahari maze amuha ikaze, bicara mu ruganiriro baba bari kureba televiziyo na nyina w’umukobwa yari ahari.

Haciyeho akanya gato sebukwe nawe ngo yaratashye avuye ku kazi asuhuza abari mu ruganiriro nawe aricara areba amakuru.

Bitewe n’uko uwo musaza akundwa cyane n’abana, ngo abana bo muri icyo gipangu bahise buzura mu ruganiriro baje kumusuhuza kuko azi kubakinisha no kubaterura akabakoresho n’udukino.

Uyu musore yakomeje agira ati “Uwari Mabukwe yasohotse hanze gato ubanza yari agiye nko kwitaba telefoni, agarutse yasanze abana buzuye mu nzu barimo guhobera umusaza. Ati ‘Ese ubundi aba bana bangana gutya babwiwe n’iki ko uje, umusaza nawe mu gutwenga ,asubiza ko atajya amenya ikibabwira ko atashye kuko igihe cyose abona bamwirunzeho.”

Ngo nyirabukwe yahise yimyoza ati “huum, babuzwa n’iki kuza se? Ibi byerekana ko uri inshuti ya ba nyina .”

Umutima w’umusore wahise uzinukwa

Uyu musore ngo yarebanye n’umukobwa baraceceka, umusaza nawe agwa mu kantu ariko ntiyagira icyo avuga. Yakomeje atangaza ko yahise yibuka uburyo umukobwa ahora amukeka ngo amuca inyuma ndetse ngo yaba atinze kwitaba telefoni akamucyurira ko aba ari mu bagore.

Ati “ Najyaga nirengagiza ibintu byinshi ancyurira, kwakundi bavuga ngo urukundo ni impumyi ariko maze kubona ukuntu nyina asuzuguye umusaza mpari, nabonye ko nta burere n’umukobwa we afite. Byatumye mfunguka amaso nibuka ko na mukuru w’uwo mukunzi wanjye nawe yatadandukanye n’umugabo mpita mbivamo.”

Umukobwa ntazi icyo yazize

Uyu musore yavuze ko yahaye uburenganzira umukobwa ngo azishakire undi ngo kuko yumva we byaramuvuyemo.

Ati “Sinatinyuka kumubwira impamvu, mbura aho mbihera, gusa umusaza wamfatiye irembo narabimubwiye ambwira ko n’ubundi hambere uwabaga ashaka kuzagira umugore mwiza yitaga ku mico ya nyina, yayishima akabona ko n’umukobwa ajyanye azaba ingirakamaro.”

Uyu musore yabwiye Igihe dukesha iyi nkuru ko abantu bakimenya ko yatandukanye n’uwo mukobwa, bamutinyutse bakamubwira ko uwo muryango abakobwa bawo bashira isoni kandi ntawe batinya.

Iyo ubajije uyu musore niba ateganya gushaka akubwira ko agiye gufata nk’imyaka ibiri akabitekerezaho ngo kuko abona bigoye kumenya umukobwa w’imico myiza.

Ibitekerezo
  • MyPassion

    lea
    15 January 2017 - Musubize

    mbega umuswa!nugira amahirwe uzazana uzajya akunoba wenda wamenya uko isi iteye.biragaragara ko uri umuhungu wiyemera,uhuzaguri kd utazi kwihangana,no kwifatira umwanzuro wapi.ubwo c wowe uri umwere la?uzajye mwijuru niho haba sans faute.nta gushishoza ugira kd umugabo udashishoza ni feke.umurinze agahinda gusa.

  • MyPassion

    aline
    8 January 2017 - Musubize

    Ahaaaaaaa ibyingo ziki gihe birakaze iyo umugabo atabaye mubi umugore aba mubi njye maze imyaka ibiri nshatse ark umugabo yambyiyeko adashatse undi mugore yapfa kd nawe atazi impamvu!! abatarashaka mujye mubanza musengere ubuzima mugiye kwinjiramo kuko biragoye cyane peee!!!!

  • MyPassion

    Jacky
    6 January 2017 - Musubize

    Andika Igitekerezo ubwose malayika uzamukurahe?

  • MyPassion

    Patrick
    5 January 2017 - Musubize

    Ntukuri kuba warabivuyemo nuko wabonye imwitwarire yanyina naburere yahawe kabisa banza uruhuke mumutwe ibindi bizaza nyuma pe!

  • MyPassion

    Rutagengwa adrien
    5 January 2017 - Musubize

    Sha nange ndakwemeye uzi gufata icyemezo. Bikunze mbere yo kurambagiza umukobwa wabanza umulyango. Wigiriye inama hakiri are abakecuru nkabo babaho bakanazisenya.

  • MyPassion

    Rutagengwa adrien
    5 January 2017 - Musubize

    Sha nange ndakwemeye uzi gufata icyemezo. Bikunze mbere yo kurambagiza umukobwa wabanza umulyango. Wigiriye inama hakiri are abakecuru nkabo babaho bakanazisenya.

  • MyPassion

    egide
    5 January 2017 - Musubize

    Nuko atamukundaga.niba yarabonye aho ikibazo kiri hakirikare , yagombaga kubimuganiriza ho akamufasha gukosora icyo kibazo. Cyane cyane ko yarabimenye hakiri kare. Kereka najya kuva padri naho ubundi ntamumarayika ateze kuzabona munsi aha!

  • MyPassion

    Maniraguha
    4 January 2017 - Musubize

    Mbega umuhungu w’umunyamahirwe weeee! Sha nawe uzabishimire Imana kuko yagukuye mu kagozi kari kuzakubeshaho Nabi kugera uvuye mu mubiri

  • MyPassion

    sifa
    4 January 2017 - Musubize

    Biragoye kumenya umunyamico myiza si abakobwa gusa n’abahungu ni uko , uretse Imana yonyine niyo ireba mu mitima.

  • MyPassion

    aceno
    4 January 2017 - Musubize

    wamuhunguwe urebakure.

Tanga Igitekerezo