skol
fortebet

Menya akamaro k’amaribori! Ese waba uzi kugira amaribori icyo bisobanura? Aterwa n’iki? Sobanukirwa

Yanditswe: Tuesday 24, May 2016

Sponsored Ad

skol

Wari uzi ko amaribori(striae) ari ikibazo cy’ubuzima cyibasira uruhu? Amaribori rero bamwe bakunze kuvugako ari utarangabwiza ku gitsinagore abandi bakavugako ari ubusembwa, akaba rero agaragazwa n’imirongo itukura cyangwa yirabura iboneka ku ruhu.
. Ibanga ryo kugira amaribori n’uburyo wayirinda mu gihe utayakeneye . Impamvu nyamukuru ituma umubiri ugaragaraho impinduka(Amaribori) . Ese amaribori ni akarangabwiza cyangwa ashobora kuba n’uburwayi?
Nk’uko urubuga www.homeremedies.com (...)

Sponsored Ad

Wari uzi ko amaribori(striae) ari ikibazo cy’ubuzima cyibasira uruhu? Amaribori rero bamwe bakunze kuvugako ari utarangabwiza ku gitsinagore abandi bakavugako ari ubusembwa, akaba rero agaragazwa n’imirongo itukura cyangwa yirabura iboneka ku ruhu.

. Ibanga ryo kugira amaribori n’uburyo wayirinda mu gihe utayakeneye
. Impamvu nyamukuru ituma umubiri ugaragaraho impinduka(Amaribori)
. Ese amaribori ni akarangabwiza cyangwa ashobora kuba n’uburwayi?

Nk’uko urubuga www.homeremedies.com rubisobanura, amaribori aterwa no gukweduka kudasanzwe k’uruhu akenshi bifitanye isano n’ihinduka ry’imikorere y’imisemburo mu mubiri, uguhinduka kw’iyi misemburo nako kukaba akenshi guterwa no kuva mu bwana ujya mu bugimbi cyangwa mu bwangavu, gutwita, kubyibuha cyangwa kunanuka mu buryo butunguranye. Ibi bituma uruhu rwinyuma( derme) rukweduka mu buryo budasanzwe bikabyara amaribori.

Hari abayaterwa n’imiti yo mu bwoko bwa crème yitwa corticosteroid kimwe nuko hari abayagira kubera uruhererekane rwo mu miryango. Ku bangavu amaribori aza ku maboko, mu ntege, no mu rukenyerero, naho ku bagore batwite aza cyane cyane kunda no ku mabere. Hari abibaza niba hari n’abagabo bagira amaribori. Barahari cyane rwose, ariko ni bake ugereranyije n’abagore bayagira. Mu muco nyarwanda amaribori afatwa nk’ikimenyetso cy’ubwiza ariko na none iyo akabije aba ikibazo. Hari abo abangamira mu buryo bw’umurimbo ndetse hari n’abo arya bakumva bocyerwa, bakishimagura rimwe na rimwe bakanabyimbirwa cyane.

Nta buryo buriho bwo kuyakumira 100% ariko hari uburyo bw’umwimerere wakoresha akagabanuka ku kigero gifatika, ndetse binagukundiye wagana muganga mu gihe amaribori yawe akabije kuko hari uburyo bwinshi yagufashamo.

Ubu ni uburyo wakoresha ukayagabanya mu gihe yaba akurya cyangwa se akubangamiye:

Gukoresha igikakarubamba

Iki kimera ni kimwe mu byifashishwa mu guhangana na zimwe mu ndwara z’uruhu. Umushongi w’igikakarubamba ukungahayemo vitamine zitandukanye, imyunyungugu ndetse na za poroteyine nyinshi bigaburira uruhu mu buryo butandukanye. Fata ibibabi by’igikakarubamba ubishishure kugirango ugere ku gice kirimo umushongi. Siga umushongi w’igikakarubamba ahantu hari amaribori ubundi urindire amasaha 2 ubone kuhakaraba n’amazi y’akazuyaze.

Umutobe w’indimu

Siga ahantu hari amaribori uyu mutobe w’indimu ubundi urindire wumireho ubone kuhakaraba n’amazi y’akazuyaze.

Umutobe/amazi y’ibirayi

Uyu ni umuti udahenze kandi uboneye ku maribori, uyu umutobe ukungahayemo intungamubiri zituma habaho gukura k’uturemangingo tw’uruhu ndetse hakabaho no gusimbuza udushaje. Satura ikirayi mo ibisate ubundi ugende ubikuba ahari amaribori ubundi ureke hume ubone kuhakaraba n’amazi y’akazuyaze kandi ibi ubyubahirize buri munsi.

Amavuta ya Olive

Aya nayo ni amwe mu mavuta akungahayemo intungamubiri zishobora gusana uruhu rwangiritse. Siga ahantu hari amaribori usa n’uhakuba buhoro buhoro ukoresheje aya mavuta nyuma urindire iminota 30 kugirango uruhu runyunyuze intungamubiri ziri muri aya mavuta ubone gukaraba.

Isukari, amavuta ya amande n’indimu

Fata ikiyiko cy’isukari ukivange na mililitiro 50 z’amavuta ya amande ushyiremo n’umutobe w’ indimu ubundi ukube ahari amaribori mu gihe cy’iminota 10, ubikore buri munsi mu gihe cy’amezi abiri bizatanga impinduka zifatika.

Umweru w’igi

Umweru w’igi ukungahayemo poroteyine nyinshi, wusige ahari amaribori uwurekereho mu gihe cy’iminota 15 ubone gukaraba.

Amazi

Iyi miti yo haruguru ntacyo izamara igihe umubiri udafite amazi ahagije, umuntu urwaye amaribori agomba kunywa amazi ahagije kandi akisiga amavuta akurura amazi mu mubiri (hydratante=moisturizing lotion).

Imirire

Mu gihe umubiri utabona intungamubiri zihagije, ntabwo wakwisiga amavuta yonyine
ngo uruhu rugire itoto.

Uburyo bwo kwa muganga: Kwa muganga hari uburyo bwinshi bwo kuvura amaribori: hari ubuvuzi bukoresheje amavuta ya crème akoreshwa mu kumasa, ubuvuzi bukoresheje “laser”(ubuvuzi bukoreshejwe imirasire), kubaga(surgery), n’ubundi buryo butandukanye. Aha ni byiza ko muganga ari we uguhitiramo gukoresha bumwe muri ubu buryo nyuma yo kugusuzuma akamenya ubukana bw’ikibazo ufite.

Ibitekerezo

  • Abo bagore bicaye baje kurata ayo matako ko ali nta nanamaliboli banafite banambaye n’ubusa .Uwo uhagaze ni uguhena gusa nta maliboli nta n’ubwiza ahubwo ni uguhena no gutera umwaku.

    Murakoze kuduha inama

    Ko mutadusobanuriye,amaribori n’indwara kumubiri,cg nukuyarwanya muburyo bwo kuyanga gusa?Umugore wanjye arayafite menshi ndetse umubiri wose,kandi mbona ari meza cyane iyo mwitegereje antera kumvu mukunze cyane,kdi ntacyo amutara kumubiri.Munsobanurire neza ukuntu ari indwara nzamuvuze.

    abagore bafite biriya biribori wagirango ninzira zamazi ubona atarisawa harabagira ibikabije wabikoraho ugahita ubonako yashize kbsa

    Nonex konajyerajyeje ijyikakarubamba bikaba byaranze nugusigaho nkijyihe cyingana gute??

    Nonex konajyerajyeje ijyikakarubamba bikaba byaranze nugusigaho nkijyihe cyingana gute??

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa