Kigali

Reba uburyo bushya 7 bworoshye bwagufasha kumenya igitsina cy’umwana utwite mbere y’uko ubibwirwa na muganga

Urukundo   Yanditswe na: Martin Munezero 5 June 2018 Yasuwe: 6958

Kwa muganga hari uburyo bukoreshwa bwa ultrasound ukaba wamenya igitsina cy’umwana uzabyara. Hagati y’ibyumweru 16 na 20 kwa muganga bashobora gukoresha ibyuma byabugenewe bakamenya neza igitsina uzabyara, iyo bitagaragara neza bisaba kongera nyuma y’ibyumweru bicye.

. Namenya nte igitsina cy’umwana nzabyara?
. Ese umugore utwite umuhungu agira ibihe bimenyetso?
. Ese umugore utwite umukobwa agira ibihe bimenyetso?
. Ibiranga umugore utwite

Nyamara n’ubwo akenshi biba ngombwa ko umuntu ajya kwa muganga bakabasha kumubwira igitsina cy’umwana yitegura kwibaruka, hari n’ubwo akenshi nk’abakuze bakwitegereza utwite bakakubwira ngo uzabyara igitsina iki n’iki kandi bigahura bitewe n’uko bakubona. Ibi ni bimwe mu byo bashingiraho rero baguhamiriza igitsina cy’umwana uzibaruka.

KWANGA IBIRYO

Niba ujya wibaza impamvu abagore bamwe bifuza ibiryo runaka abandi bagahurwa ibiryo byose, bifitanye isano n’igitsina cy’umwana baba batwite.

Ubushakashatsi bwakozwe bwerekana ko abagore bakunze kwanga ibiryo cyane cyangwa se nyuma yo kurya bakagira iseseme cyane, bakunze kubyara abahungu.
Impamvu ni uko umubiri w’umugore uba ufite akazi kenshi ko kurinda ingobyi y’umwana w’umuhungu kurusha umukobwa, kuko iy’umuhungu yangirika byoroshye kurusha umukobwa.

IMIHINDAGURIKIRE Y’AMABERE

Amabere ari mu bice bya mbere bihinduka cyane mu gihe umugore atwite. Niba amabere yawe aba manini kandi agakomera kurusha ibisanzwe, akenshi uba utwite umukobwa, naho mu gihe amabere yawe atahindutse cyane, ushobora kuba utwite umuhungu.

UKO UGENDA UHINDURA IMIMERERE

Ubushakashatsi bwakozwe bwerekana ko abagore bakunze kurwaragurika no kwanga ibintu byinshi mu bihembwe 2 bya mbere byo gutwita bakunze kubyara abahungu ugereranyije n’abagore badakunze kugira ibi bibazo mu gihe batwite.

UBWOKO BW’IBIRYO UKUNDA

Ubwoko bw’ibiryo umugore utwite yibandaho cyane bishobora kukwereka igitsina cy’umwana atwite. Niba umugore yikundiye ibiryohera n’ibirimo isukari cyane, akenshi aba atwite umukobwa. Niba umugore akunda ibiryo birimo urusenda biba byerekana ko yiteguye kwibaruka umuhungu.

UKO UMEZE MU MASO

Niba ufite ibiheri mu maso, ukaba ugenda wirabura kurusha ibisanzwe cyangwa uri gucikagurika imisatsi cyane, bishobora kwerekana ko uri hafi kwibaruka umwana w’umukobwa. Ibi ahanini bivugwa ko umwana w’umukobwa aba ari gufata ku bwiza bwa mama we. Niba umeze neza, ukaba ufite imisatsi yawe myiza nk’ibisanzwe nta mpinduka kuri wowe, ushobora kuba ugiye kwibaruka umuhungu.

UBURYO UMWANA ATERAGURA IMIGERI MUNDA

Ibi akenshi ntibirebana n’uburyo umwana ateraguramo imigeri, ahubwo birebana n’aho ayitera. Bivugwa ko iyo umwana atera imigeri hejuru gato nko mu mbavu, aba ari umukobwa. Niba uyumvira hasi mu nda, byerekana ko ari umuhungu.

UMUVUDUKO W’AMARASO

Ubushakashatsi buheruka gukorwa n’abahanga bo muri Canada, bwerekanye ko umuvuduko w’amaraso nko guhera ku byumweru 26 ushobora kukwereka niba uzabyara umuhungu cg umukobwa.

Iyo umuvuduko w’amaraso uri hejuru biba byerekana ko uzabyara umuhungu naho mu gihe uri hasi byakwereka ko uzabyara umukobwa.

Ibi bimenyetso rero n’ubwo bidahatse ukuri ijana ku ijana, bishobora kugufasha kumenya igitsina cy’umwana uzabyara n’ubwo hari andi mahirwe make y’uko bitahura.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dore ibintu 6 bitangaje utari uzi ku igitsina cy’umugabo

Nk’uko ibindi bice by’umubiri wa muntu bigira imiterere idasanzwe, nko gukura...
18 July 2018 Yasuwe: 1913 0

Gutandukana n’ umukunzi wawe bikwigisha ibintu bine by’ ingenzi

Iyo uwo mwakundanaga akwanze, usigarana agahinda no kumva wanze ibyisi...
18 July 2018 Yasuwe: 2144 0

Umusore n’umukobwa bamaze imyaka 21 bakundana bakoze ubukwe budasanzwe...

Nsanzumuhire Innocent ufite w’imyaka 33 na Furaha Charmente w’imyaka 27...
17 July 2018 Yasuwe: 4340 0

Umukobwa wese dukundanye abandi bahita bamutwara :Nkore iki?

Ndabasuhuje cyane. Ndifuza ko mungira inama
16 July 2018 Yasuwe: 1138 1

Dore icyo wakora mu gihe nta bushake bw’imibonano mpuzabitsina...

Ubushakashatsi bwerekanye akamaro k’imibonano mpuzabitsina ku bakuze Uko...
16 July 2018 Yasuwe: 4617 3

Umukobwa Se yagushije mu mutego akamusambanya aragira inama...

Buri uko numvise ababyeyi bangiza abana b’ abakobwa birambabaza, ndashaka...
16 July 2018 Yasuwe: 4358 0