Kigali

Sobanukirwa uburyo bwiza wateramo akabariro n’umugore utwite ukamunyaza ’Amavagingo’

Urukundo   Yanditswe na: Martin Munezero 16 October 2018 Yasuwe: 4776

Kuba muri ababyeyi, mwitegura kwakira abana, ntibivuze ko mudashobora kunezezanya hagati yanyu, mukora imibonano mpuzabitsina nk’ uko benshi bakunze kubyibeshyaho rimwe na rimwe bakabitinya ugasanga bahisemo guca inyuma abagore babo.

Ababyeyi benshi bakunze guhagarika imibonano mpuzabitsina mu gihe umugore atwite, aho baba bavuga ko ngo banga guhutaza umwana uri mu nda. Mu bihe nk’ ibi ndetse bamwe mu bagabo ntibatinya guca inyuma abo bashakanye ngo bajye gutera akabariro ahandi, kuko ngo baba babikumbuye.

Niba rero muri mu bihe nk’ ibi, mwihagarika ubuzima musanzwe mubayeho, ahubwo gusa mube maso ku bijyanye no kongera isuku, haba ku ruhande rw’ umugore ndetse n’ urw’ umugabo, kuko mu gihe cy’ imibonano mpuzabitsina, hashobora kugira imyanda yinjira, ikaba yahungabanya ubuzima bw’ ikibondo mutegereje.

Urubuga 7sur7 dukesha iyi nkuru, rukomeza ruvuga ko akenshi ababyeyi b’ abagore batinya kuba baganira n’ abaganga babakurikirana ku bijyanye n’ ubuzima bw’ imyororokere, ibi akaba ari nabyo ntandaro y’ ubujiji bukunze kuranga benshi mu babyeyi.

Abahanga bavuga ko bibujijwe ku mugore utwite impanga:

Abahanga mu by’ ubuzima bw’ umwana mu nda bemeza ko mu gihe umubyeyi atwite impanga zaba ari nyazo cyangwa izitandukanye (Vrais Jumeaux/Faux Jumeaux), ibyiza ari uko yakwirinda imibonano mpuzabitsina mu rwego rwo guharanira ko abana be batavuka mbere y’ igihe cyabugenewe (amezi 9).

Ibyiza ni ukuba ubihagaritse ukazongera kugira icyo ukora nyuma y’ igihe kitari munsi y’ ukwezi kumwe ubyaye.

Urubuga Doctissimo rwanditse ruvuga ko abashakashatsi batandukanye bagiye bashyira hanze inyigo zirenga 60 zose zikaza zihurira ku kintu kimwe cy’ uko umugore utwite agomba gukora imibonano mpuzabitsina agendeye ku nama n’ imyitwarire aba yabanje guhabwa na muganga ariko ko gukora imibonano mpuzabitsina mu gihe nk’ iki ko bitabujijwe burundu

Abagore bose ntibagira imyitwarire imwe mu gihe batwite dore ko hari bamwe baba bumva nta bushake bwo gukora imibonano mpuzabitsina mu gihe hari ababa bumva babikora buri kanya, rimwe na rimwe hari abo usanga baribwa n’ amabere cyangwa bananiwe cyane banatonekara umubiri wose icyo gihe aba yumva nta mugabo wamukoraho.

Ariko na none bakongera bakavuga ko mu gihembwe cya mbere abagore baba bafite isesemi, umunaniro ukabije, uburibwe mu mabere n’ ibindi ariko iyo bigeze mu gihembwe cya kabiri ugasanga ibyo bisa nk’ ibyagabanutse ahubwo ubushake bwo gukora imibonano (libodo) bwariyongereye, kuburyo aha biba bisaba ko ayikora abanje kubonana na muganga.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dore ibizakwereka ko umukobwa mukundana afitiye ikofi yawe urukundo...

Buri musore cyangwa umugabo wese aba ashaka umugore uzamukunda we ubwe...
21 February 2019 Yasuwe: 5621 1

IGICE CYA III:Vestine yahishuriye abagore amabanga yabafasha mu gushimisha...

Vestine umugore umaze kubaka izina mu Rwanda ku bijyanye n’inyigisho...
21 February 2019 Yasuwe: 8418 0

IGICE CYA II:Vestine yavuze uburyo umugabo ashobora gukoresha ari gutera...

Vestine umugore umaze kubaka izina mu Rwanda ku bijyanye n’inyigisho...
20 February 2019 Yasuwe: 8354 0

IGICE CYA I:Vestine yasobanuye igishobora gutuma intanga z’umugabo ziba...

Vestine umugore umaze kubaka izina mu Rwanda ku bijyanye n’inyigisho...
19 February 2019 Yasuwe: 11561 3

Aya ni amwe mu marenga y’urukundo umubiri w’umukobwa ukora mugihe bari...

Mu rukundo hari byinshi bikorwa ariko bikabanzirizwa n’imvugo zitandukanye....
16 February 2019 Yasuwe: 13034 0

Aya ni amwe mu mabara y’indabo z’Amaroza akunzwe gutangwa ku munsi...

Ku isi hari amoko asaga 1200 y’indabo, gusa inyinshi ntitunamenya ko ari...
14 February 2019 Yasuwe: 2063 1