Kigali

Uko Umugore yasukura igitsina cye nyuma yo gukora imibonano mpuzabitsina

Urukundo   Yanditswe na: Martin Munezero 6 August 2018 Yasuwe: 5327

Abagore benshi bakunze kwibaza uko bakora isuku neza nyuma yo gukora imibonano mpuzabitsina, abenshi iyo bayikoze bakora amakosa amwe n’amwe ashobora gutuma ubuzima bwabo bujya mu kaga bibwira ko barimo kwisukura.

Nubwo imibonano mpuzabitsina iryohera benshi kuri iyi si, iyo umugore atisukuye neza nyuma yo kuyikora cyane cyane iyo atakoresheje agakingirizo bishobora kumuviramo kwandura indwara zimwe na zimwe.

Gusa abantu benshi ntibazi icyo bakora ngo banoze isuku y’igitsina gore.

Hari abumva ko bitewe n’impumuro idasanzwe biyumvaho nyuma yo gukora imibonano mpuzabitsina bagomba gukoresha amasabune cyangwa indi miti yica za mikorobi mu gusukura igitsina gore! Ibyo sibyo na gato!

Hari kandi abumva ko bagomba gucenzeza ibintu runaka mu gitsina barimo kucyoza bibwira ko ari bwo imyanda ishiramo. Ibi na byo ni amakosa akomeye kuko ushobora kwikomeretsa cyangwa ukiyanduza kurushaho!

Koresha amazi meza yonyine (nta sabune cyangwa indi miti ikenewe rwose. kandi woze ku bice by’igitsina bigaragara inyuma gusa witonze. Ibice by’imbere birisukura ubwabyo, singombwa guhanga no kubisukura.

Wabikora ute?

Kugirango ukore isuku y’igitsina gore cyawe neza, banza wicare mu mazi menshi iminota mike nurangiza wicare usutamye/usutaraye hanyuma ugasa n’ukora imyitozo yoroheje ituma imikaya y’igitsina ikora kuko bigufasha gusohora hanze amasohoro umugabo aba yagusohoreye mu gitsina. Ibi birikora si ngombwa kugira ikintu useseka mu gitsina imbere.

Icyo gihe iyo usutamye ubasha gusukura neza ibice by’inyuma by’igitsina cyawe n’impande zacyo zose. Usabwa kandi koza neza ku matako (ibibero) no mu kibuno kuko naho haba hageze imyanda yatewe n’imibonano mpuzabitsina.

Ni byiza gukoresha agasume kabugenewe gakoze mu budodo kandi gatose (irinde gukoresha umwenda wumutse kuko ushobora kugukomeretsa). Aka gatambaro kabugenewe ukihanaguza ku myanya y’igitsina igaragara inyuma.

Si byiza gukoresha amazi ashyushye mu gusukura igitsina, amazi akonje ni yo meza kandi ni byiza guhita unakaraba umubiri wose mu gihe uri ahantu wabona uburyo bwo gukaraba kuko nyuma yo gukora imibonano mpuzabitsina, umubiri wose uba wasohoye ibyunzwe kandi usabwa guhindura ibiryamirwa kuko nabyo biba byanduye.

Ni byiza kujya kunyara nyuma yo gukora imibonano: Burya ya myanda wifuzaga gukura mu gitsina ukoresheje intoki cyangwa gushora igitambaro mu gitsina imyinshi ikurwamo n’inkari. Gusa indi yinjiye mu gitsina imbere nk’amasohoro na yo igenda isohoka buhoro buhoro.

Umwambaro wawe w’imbere wambara nyuma y’iyi suku ugomba kuba usukuye neza kandi wumye neza kuko biba byoroshye kuba wakwanduza mu gihe waba usa nabi.

Ni byiza kwambara ikariso itaguhambiriye cyane kuko uba ukeneye guhumeka ukinjiza umwuka mwiza mu gitsina. Iyo uri ahantu wisanzuye ushobora no kujya ahantu ukicara ufunguye amaguru ugafata umwuka mwiza utambaye ikariso.

Nyuma yo gukora imibonano mpuzabitsina si byiza guhita ufata amafunguro, banza unywe amazi ahagije nk’ibirahure bibiri. Ibi bizatuma ujya kunyara inshuro nyinshi bitume imyanda yo mu gitsina imbere ikomeza gusohoka yose.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ibi nibyo bizakwereka umukobwa ushaka cyane ko mukorana imibonano...

Ntukibeshye ngo utekereze ko abahungu aribo bakenera gukora imibonano...
13 November 2018 Yasuwe: 7030 1

Uyu mukobwa w’umunyarwandakazi ukora muri Hoteli arifuza umusore urwaye Sida...

Umukunzi wa UMURYANGO yanditse avuga ko arwaye Sida ndetse akaba yifuza...
12 November 2018 Yasuwe: 10194 7

Iyi niyo minota myiza umugore n’umugabo bari gutera akabariro bakwiye kumara...

Ubushakashatsi bwakozwe n’ inzobere buvuga ko umuntu muzima aba agomba...
11 November 2018 Yasuwe: 7023 0

Iyi niyo myaka nyayo y’abagore baryohererwamo imibonano mpuzabitsina

Ubushakashatsi bwakozwe bwahishuye imyaka nyayo abagore baba bifuza...
11 November 2018 Yasuwe: 6388 0

Ibi bintu iyo ubibwiye umuntu mumaze gukorana imibonano mpuzabitsina muhita...

Si byiza burya kuvuga amagambo yose akuje mu kanwa, No mu gihe umaze gukora...
11 November 2018 Yasuwe: 6157 0

UBUHAMYA:Uyu mugabo yatinye ko umuhungu we yagira ikibazo maze asaba...

Ndagushimiye wowe ugiye gusoma ubu buhamya. Iki kibazo nkimaranye igihe...
11 November 2018 Yasuwe: 3466 2