Abagore bo muri Afurika ntabwo bagisiramurwa nka mbere

Urukundo   Yanditswe na: Nsanzimana Ernest 11 November 2018 Yasuwe: 1833

Ibarura ryakozwe n’ ikigo BMJ Global Health ryerekanye ko umuhango wo gusiramura abakobwa b’ Abanyafurika wagabanutse cyane ku bakobwa bari munsi y’ imyaka 14.

Uyu mugenzo ukorwa ku bakobwa bo mu moko amwe n’ amwe yo muri Afurika, ukorwa bakata bimwe mu bice by’ inyuma ku gitsina cy’ umugore birimo na rugongo.

Abaharanira uburenganzira bwa muntu bamagana iyi migenzo bavuga ko ishobora kugira ingaruka zirimo n’ urupfu. Hari ubwo uwakoreweho uyu muhango yica no kuva cyangwa akicwa n’ inguma.

Imibare y’ ishami ry’ umuryango w’ abibumbye ryita ku bana UNICEF igaragaza ko abagore n’ abakobwa miliyoni 200 mu Isi basiramuye.

UNICEF yerekana ko uyu mugenzo wagabanyutse ku gigero kinini muri Afurika y’ Iburasirazuba. Mu mwaka wa 1990 mu bakobwa bari bafite imyaka 14 y’ amavuko 71% bari basiramuye, uyu mubare waragabanutse ugera ku 8% muri 2016.

Ubwoko bw’ aba Masaï buri mu bukunze gusiramura abakobwa. Tanzania na Kenya nibyo bihugu byagabanyije cyane uyu muco wo gusiramura abakobwa bituma mu isi hose umubare w’ abakobwa basiramurwa ugabanuka.

Muri Afurika y’ amajyaguru umuco wo gusiramura abakobwa uri ku kigero cya 14% , bivuye kuri 60 % byariho 1990.

Muri Afurika y’ Iburengerazuba gusiramura abakobwa byavuye kuri 74 muri 1996, bigera kuri 25% muri 2007.

Umuvugizi w’ umuryango 28Toomany , Emma Lightowlers yabwiye ibiro ntaramakuru by’ Abongereza Reuters ati “ Gusiramura abakobwa tubona bigabanuka mu bihugu byinshi, gusa biracyakorwa ku bakobwa bitegura gushyingirwa.”

Abakoze iki cyegeranyo bifashishije amakuru bakuye muri Demographic Health survey, no muri UNICEF.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukobwa yakunze umusore udafite igitsina bamarana umwaka atarabimenya ngo...

Umukobwa witwa Fedra Fabian ubu ugize imyaka 28 yakunze umusore, yakunze...
20 November 2018 Yasuwe: 2738 1

Izi nizo Ndwara utakekaga ko zivurwa no gukora imibonano mpuzabitsina

Abagabo n’abagore bamarira amasaha n’amafaranga mu kwigira beza, kandi hari...
14 November 2018 Yasuwe: 7737 0

Ibi nibyo bintu umugore abwira umugabo bikamutere ubushake bukabije bwo...

Abagore bakwiye kumenya ko n’abagabo bakenera kwitabwaho no gukururwa kugira...
12 November 2018 Yasuwe: 6079 0

Ibi nibyo bintu byagufasha kugira ngo uryohereze uwo muri gukorana...

Twifashishije inzobere, ibitabo n’ubushakashatsi bwimbitse butandukanye...
12 November 2018 Yasuwe: 4808 0

Abagore bo muri Afurika ntabwo bagisiramurwa nka mbere

Ibarura ryakozwe n’ ikigo BMJ Global Health ryerekanye ko umuhango wo...
11 November 2018 Yasuwe: 1833 0

Abashakashatsi bagaragaje ukuntu gutera akabariro no kubyara abana byongera...

Ubushakashatsi bwakorewe ku bagabo 910 muri Wales hagati y’umwaka wa 1979 na...
11 November 2018 Yasuwe: 1458 0