Ibi nibyo bintu byagufasha kugira ngo uryohereze uwo muri gukorana imibonano mpuzabitsina

Urukundo   Yanditswe na: Martin Munezero 12 November 2018 Yasuwe: 4416

Twifashishije inzobere, ibitabo n’ubushakashatsi bwimbitse butandukanye
bwagiye bukorwa; twabakusanyirije ibintu by’ingenzi byo kwitabwaho mu
rwego rwo kugira ibyishimo byuzuye mu gihe cyo gutera akabariro

Ibanga rya 1: Guha igikorwa umwanya

Nk’uko buri kintu cyose ugiye gukora ugishakira umwanya uhagije, ni ngombwa kandi ni iby’igiciro rero no guha umwanya igikorwa cyo gutera akabariro, kigakorwa mu gihe abagikorana bombi batuje batihuta ngo bajye gukora ibindi bintu runaka. Mbese bakumva bombi ko nta kindi berekejeho umutima kitari icyo.

Ibanga rya 2: Kubikora ufite umutekano n’umutuzo

Mu mpamvu zishobora gutuma abatera akabariro badashimishanya bikwiye, harimo kuba babikora badatekanye. Ibi bikunze kubaho cyane ku batarashakanye babikora basa nk’abihishe bityo bakabikora umutima utari hamwe. Ku bashakanye nabo ibi bishobora kubabaho, nko mu gihe babikoze bikanga abana cyangwa ikindi cyabarogoya. Ni ngombwa rero kwitonda ku batera akabariro, bakabikorera ahantu hatuje kandi batekanye.

Ibanga rya 3: Kubikorana urukundo n’ubwumvikane

Mu mpamvu zishobora kubuza ibyishimo abatera akabariro, iza ku isonga ni ukubikora batishimiranye. Niba urukundo hagati yabo ari rwose nta kabuza bizatera bombi ibinezaneza n’amarangamutima(sentiments) bityo bombi bitume bashimishanya uko bikwiye.

Aha naboneraho no kuvuga ko nk’uko bamwe batwandikira batugisha inama ngo abo bashakanye ntibakibashimisha nka mbere kandi mbere byaragendaga neza, birumvikana ko impamvu iri ku isonga ari uko urukundo hagati yabo rwaba rwarayoyotse bityo umwe akumva atakishimiye undi(sans sentiments) ndetse rimwe na rimwe bigakorwa bisa no guhatiriza!

Ibanga rya 4: Ni ngombwa gutegurana

Nk’uko mbere yo gukina umupira abakinnyi babanza kwishyushya, ni ngombwa ko habaho gutegurana ku bagiye gutera akabariro. Ibi n’icyo navuze hejuru cyo guha umwanya igikorwa, mbese umwanya w’igikorwa nyirizina ukaza kugera bombi babishaka kandi babyifuza bihagije. Uburyo bwo gutegurana ni bwinshi nko gusomana, kubwirana utugambo twiza, gukorakorana(caresses) n’ibindi. Ibi ni ingenzi cyane mu guha ibyishimo abakorana imibonano mpuzabitsina bombi.

Ibanga rya 5: Kuganira no kungurana ibitekerezo ku gikorwa

Burya ibijyanye no gutera akabariro bibamo amabanga menshi cyane. Hari byinshi binezeza abagabo abagore bashobora kuba badasobanukiwe kimwe n’uko hari ibishimisha abagore, nyamara abagabo batabisobanukiwe
bihagije.

Ni ngombwa rero ko muganira, mukabwirana amabanga y’ibibashimisha kuri iyo ngingo. Niba umugore yifuza ko umugabo abimukorera mu buryo ubu n’ubu, ntagomba kumutinya no kugira amasoni. Uwo muba mwemeye kuryamana se ikindi wamuhisha ni iki? Niba umugabo yifuza ko umugore we amukorera akantu runaka kuri iyo nabwo bikagenda gutyo mbese hakabaho gufatanya no kungurana udutekerezo.

Mureke isoni no gutinyana kuko bisenyera benshi! Hari n’ubwo wibwira ngo iki n’iki njye sinzi kugikorera uwo twashakanye nyamara ari ubumenyi buke. Ni ngombwa rero ko habaho no kubaza inkoramutima zawe ukamenya amwe mu mabanga yihariye mu bijyanye no gutera akabariro.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukobwa yakunze umusore udafite igitsina bamarana umwaka atarabimenya ngo...

Umukobwa witwa Fedra Fabian ubu ugize imyaka 28 yakunze umusore, yakunze...
20 November 2018 Yasuwe: 2559 1

Izi nizo Ndwara utakekaga ko zivurwa no gukora imibonano mpuzabitsina

Abagabo n’abagore bamarira amasaha n’amafaranga mu kwigira beza, kandi hari...
14 November 2018 Yasuwe: 7207 0

Ibi nibyo bintu umugore abwira umugabo bikamutere ubushake bukabije bwo...

Abagore bakwiye kumenya ko n’abagabo bakenera kwitabwaho no gukururwa kugira...
12 November 2018 Yasuwe: 5493 0

Ibi nibyo bintu byagufasha kugira ngo uryohereze uwo muri gukorana...

Twifashishije inzobere, ibitabo n’ubushakashatsi bwimbitse butandukanye...
12 November 2018 Yasuwe: 4416 0

Abagore bo muri Afurika ntabwo bagisiramurwa nka mbere

Ibarura ryakozwe n’ ikigo BMJ Global Health ryerekanye ko umuhango wo...
11 November 2018 Yasuwe: 1787 0

Abashakashatsi bagaragaje ukuntu gutera akabariro no kubyara abana byongera...

Ubushakashatsi bwakorewe ku bagabo 910 muri Wales hagati y’umwaka wa 1979 na...
11 November 2018 Yasuwe: 1419 0