Rayon Sports yegukanye umwanya wa gatatu mu gikombe cy’amahoro
Yanditswe: Tuesday 30, Apr 2024
Ikipe ya Rayon Sports ifite irushanwa riheruka, yegukanye umwanya wa gatatu mu Gikombe cy’Amahoro cy’uyu mwaka nyuma yo gutsinda Gasogi United igitego 1-0.
Nsabimana Aimable niwe watsinze iki gitego mu minota ya nyuma muri uyu mukino wabereye kuri Kigali Pele Stadium.
Iki gitego cyabonetse ku munota wa 88,giturutse ku mupira uteretse wari utewe na Bugingo Hakim ahana ikosa rya Djibrine Hassan.
Nsabimana Aimable yatsindishije umutwe nyuma yo kurangara kw’abakinnyi ba Gasogi.
Nubwo aya makipe atatsindanye ibitego byinshi,yahushije uburyo bwinshi bwashoboraga kuvamo ibitego.
Umukino wa nyuma w’igikombe cy’Amahoro uteganyijwe kuri uyu wa Gatatu saa Cyenda zuzuye, aho uzahuza Police FC na Bugesera FC.
Mu Bagore, Rayon Sports yegukanye Igikombe itsinze Indahangarwa ibitego 4-0 naho AS Kigali WFC yegukana umwanya wa gatatu itsinze Fatima WFC ibitego 4-1.
Ikipe ya mbere muri buri cyiciro izahabwa miliyoni 12 Frw, iya kabiri miliyoni 5 Frw naho iya gatatu ni miliyoni 3 Frw.
Leave a Reply
Your email address will not be published. Required fields are marked *