skol
Kigali

Niringiyimana wakoze umuhanda wa 7Km yakorewe urugomo na bamwe mu baturanyi be

Amakuru   Yanditswe na: Dusingizimana Remy 20 March 2020

Umunyarwanda witwa Niringiyimana Emmanuel wo mu murenge wa Murambi mu karere ka Karongi, wamamaye cyane ubwo yakoraga umuhanda ureshya n’ibirometero birindwi wenyine kandi nta nyungu ategereje, yatewe n’abagizi ba nabi bangije imwe mu mizinga ye yamufashaga kwiteza imbere.


Mu kiganiro yahaye KT Radio dukesha iyi nkuru,Niringiyimana yavuze ko mu ijoro ryo ku cyumweru taliki ya 15 Werurwe 2020, abantu bataramenyekana bagiye aho yororera inzuki biba imizinga ye iyindi barayangiza.

Yagize ati “Bagiyemo barayangiza.Harimo iyo Sina Gerrard yampaye.Baragiye bangiza imwe indi barayitwara,n’uwa kijyambere umwe barawutwara.Baragiye imwe barahakura,indi basiga irangaye gusa umugabo unkorera yarongeye arasanasana.Ejo abayobozi babyiriwemo bagiye kumpa impapuro njyana kuri RIB”.

Niringiyimana yavuze ko nta muturanyi we bafitanye ikibazo ahubwo ngo hari abo akeka bamugendaho.

Ati “Nta kibazo dufitanye ahubwo n’urugomo.Hari abangendaho.Hari uherutse kumbwira ngo “Uziko imizinga yawe baraye bayitwaye.’Nibaza ukuntu yabimenye kandi imizinga iba mu gihuru biranyobera.”

Niyibizi Emmanuel ushinzwe irangamimerere muri uyu Murenge yabwiye KT Radio ko bakoze inama n’abaturage ndetse abantu baketswe bazakorwaho iperereza.

Nyuma yo kwamamara kwa Niringiyimana,bamwe mu baturanyi be bamugiriye ishyari cyane abandi baramwanga bamushinja ko abarega ku bayobozi.

Uyu musore wamenyekanye kubera ibikorwa by’ubwitange bifitiye abaturage akamaro,yari amaze kugera ku mizinga 24, irimo 10 ya kijyambere n’indi 14 isazwe.Aba bagize ba nabi bayirayemo batwara 2 indi 6 irangizwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Rusaku

    mumutabare rwose ba Gitifu,nashinzwe iperereza murebe ukuntu mubyitaho vuba iyo umuntu yagutangiye murubwo buryo bifata indi ntera ngirango ntawutazi ubwitange bwuwo musore Ndagirango nibutse Gitifu ko Atarakora muntoki zumusaza ariko uriya musore yarahakoze abyitondere

    May 2020
  • chat_bubble Rusaku

    Uwo musore ndasaba inzego zibishinzwe kumukurikiranira ikibazo kuburyo bwihuse niba batangiye kumugirira ishyari, kuko ibikorwa bye ntawutabizi nisi yose irabizi rero uwo agize icyaba muruwo murenge ngirango Gitifu arumva neza icyakurikira niba batangiye kumuca intege gahoro gahoro bamutangiye umwanzi nuguhera mubyo wihangiye rero iyo mizinga ye irambabaje rwose

    May 2020
  • chat_bubble Jado

    Ariko kuki tubona umuntu yimereye neza tukamugirira ishyari nukuberiki koko, nibamureke nigihe cye! Njye nzi neza ko ejo heza he ari heza niyo mpamvu mudakomeza kumutesha umutwe mwibuke ko akiri muto, rero musigeho, ninkinkuru ndi gusoma muri iyi minsi ngo batemy imyaka cg urutoki rw’umuturage, iyo myaka yakugize ite? Banyarwanda mwisuzume, ese koturi mubihe bitandukanye Imperuka ije igasanga Uri mubugizi bwa nabi nkubwo urabona utasigara?

    April 2020
  • chat_bubble hitimana

    Uretse n’ubujura,ibi byatewe n’ISHYARI bamugiriye.Ishyari ni kimwe mu bintu bituma isi iba mbi.Itera ubwicanyi,coups d’état,etc....Mwibuke ko Gahini yishe Abel kubera ishyari.Umwami Sawuli yahize Dawudi ngo amwice kubera ishyari.Kimwe n’abandi bantu bose bakora ibyo Imana itubuza,abagira Ishyari nabo bazarimbuka ku munsi wa nyuma.Isi izasigaramo gusa abantu bumvira Imana nkuko Imigani 2:21,22 havuga.

    March 2020

Inzindi nkuru

Musanze: Polisi yafashe Bane mu bacyekwaho kwica Habimana Gadi

Habimana Gadi bivugwa ko yaburiwe irengero ku wa 13 Kanama uyu mwaka, aho...
17 August 2021 0

Ambassade y’u Rwanda muri Senegal bibutse Jenoside yakorewe Abatutsi mu...

Ku tariki ya 07 Mata 2021, Ambasade y’u Rwanda mu Gihugu cya Senegal...
8 April 2021 1

Itangazo: Uwitwa Ishimwe Beni Rickson yasabye guhindura amazina akitwa...

Uwitwa Ishimwe Beni Rickson yasabye guhindura amazina mu buryo bwemewe...
12 November 2020 0

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 8