Ikamyo itwara imizigo yari izanye ibigori mu Rwanda ibivanye muri Uganda, yafashwe n’inkongi y’umuriro irashya irakongoka.

Sponsored Ad

Iyi kamyo yahiriye ku mupaka wa Gatuna mu gitondo cyo kuri uyu wa Gatatu tariki ya 16 Kanama.

Amakuru y’iyi nkongi yemejwe n’Umuyobozi wa Polisi ya Uganda mu karere ka Kabale, Abel Ruganza.

Kugeza ubu ntiharamenyekana intandaro y’inkongi y’umuriro yibasiye iriya kamyo.

ASP Ruganza cyakora yabwiye itangazamakuru ryo muri Uganda ko kuri ubu abashinzwe iperereza bamaze koherezwa ahabereye iriya nkongi, mu rwego rwo kumenya impamvu nyamukuru yayo.