Uku kwezi kwa Kanama gukomeje kurangwa no gusubukura imanza z’abari ibikomerezwa mu buyobozi bwa Repubulika ya Demokarasi ya Congo ubu bari ku gatebe, bakaba bakomeje no gukurikiranwa n’ubutabera.

Sponsored Ad

Nyuma ya Fortunat Biselele na Jean-Marc Kabund, kuri uyu wa Gatatu, itariki ya 9 Kanama 2023 imbere y’urukiko rukuru rwa gisirikare, hasubukuwe urubanza rwa François Beya, wahoze ari umujyanama wa Félix Tshisekedi mu bijyanye n’umutekano.

Nubwo ashinjwa guhungabanya umutekano w’igihugu, François Beya we kuri ubu ari hanze y’igihugu aho yagiye ku mpamvu z’uburwayi kugira ngo yitabweho neza nk’uko Mediacongo.net dukesha iyi nkuru ivuga.

Abaharanira ko François Beya yafungurwa, bo barasanga igihe kigeze cyo guhagarika uru rubanza no kurekura n’abareganwa n’uwahoze ari umujyanama w’umukuru w’igihugu.