skol
Kigali

Komisiyo y’Abakozi ba Leta yatahuye uburiganya mu mitangire y’akazi muri Minisante

Amakuru   Yanditswe na: Joseph Hakuzwumuremyi 30 April 2018

Diane Gashumba, Minisitiri w’Ubuzima
Muri raporo y’ubugenzi yakozwe na Komisiyo y’Igihugu y’Abakozi ba Leta mu kwezi kwa 10 2017 yagaragaje bumwe mu buriganya bwakozwe bigaragara ko busa n’ubwagambiriwe mu bizamini by’akazi ku bakozi bashinzwe Imari n’Ubutegetsi (DAF) mu bitaro binyuranye bya Leta.


Amwe mu makosa, nk’uko bigaragara muri raporo y’igenzura y’agateganyo Umuryango ufitiye kopi, harimo abakozi batanze impapuro zisaba akazi italiki yo gusaba akazi yararenze, kongerera amanota abatsinzwe, kwima amanota abatsinze, guha akazi abatujuje ibyasabwaga n’ibindi.

Muri iyi raporo, bigaragara ko Mukankiko Peace wahawe akazi mu bitaro bya Ruhango, Furaha Frank wahawe akazi mu bitaro bya Shyira na Kabanda Albert impapuro zabo zisaba akazi Minisante yazakiriye hafi amezi abiri nyuma y’aho italiki ntarengwa yo gutanga impapuro zisaba akazi yari yararenze.

Aba bose basabye akazi taliki 17/4/2017 italiki ntarengwa yari taliki 24/2/2017. Mu gitabo cy’abatanze dosiye zisaba akazi aba bahawe nomero umwe umwe ifite iy’undi muntu bisa ariko we watangiye igihe dosiye ye, ibi byasaga no kujijisha. Aba bose uko ari 3 bahawe akazi.

Muri iri genzura kandi, byagaragaye ko hari abakandida bahawe akazi nyamara dosiye batanze zitari zujujue ibisabwa.

Twagirimana Albert, wahawe akazi mu bitaro bya Mibilizi, Komisiyo yasanze muri dosiye ye diplome y’ikiciro cya gatatu cya Kaminuza (Masters) ari iyo ku italiki ya 25/8/2017 mu gihe italiki ntarengwa yo kwakira dosiye zisaba akazi yari 24/2/2017.

Ndamage Theophile wahawe akazi mu bitaro bya Nyanza we muri dosiye ye harimo icyangombwa cyo ku italiki ya 21/10/2017 cy’uko ari kwiga ikiciro cya gatatu cya Kaminuza kandi hari amasomo 6 ashigaje!

Mu igenzura kandi, raporo igaragaza ko hari abakandida bari batsinzwe ikizamini cyanditse bakongererwa amanota, ndetse n’uwatsinze iki kizamini amanota ye bakayagabanya bityo akimwa uburenganzira bwe bwo gukora ikizamini cy’ikiganiro.

Musoni Sylvestre yahawe akazi mu bitaro bya Munini yatsinzwe ikizamini cyanditse aho yari yabonye amanota 15/50 atamwemerera gukomeza ikindi kizamini ariko yongererwa amanita 20 ahita yemererwa kujya mu kizamini cy’ikiganiro ndetse asohoka mu batsinze.

Ndamage Theophile wahawe akazi mu bitaro bya Nyanza yari yabonye amanota 11/50 mu kizamini cyanditse yongererwa amanota 20 ngo abashe gukora ikizamini cy’ikiganiro .

Sinayitutse Desire wahawe akazi mu bitaro bya Gihundwe yari yatsinzwe n’amanota 22 yongererwa amanota 5.5 ngo abashe gukora ikizamini cy’ikiganiro.

Ibyimana Consolatrice wahawe akazi mu bitaro bya Kirehe yari yatsinze ikizamini cyanditse yemerewe gukora ikizamini cy’ikiganiro ariko n’amanota ye arongerwa. Yari yabonye amanota 27.5/50 yongererwa amanota 14.5.

Uwitwa Habiyaremye Valens yari yatsinze ikizamni cyanditse n’amanota 42/50 ariko yimwa uburenganzira bwo gukora ikizamini cy’ikiganiro kuko mu gutangaza amanota yasanze afite 15/50. Amanota ye yagabanyijweho amanota 27!

Muri iri genzura kandi, raporo igaragaza ko Sylvestre Musoni wahawe akazi mu bitaro bya Munini atigeze yerekana dipolome y’u Rwanda inganya agaciro n’inyamahanga iri muri dosiye ye nabyo bikaba binyuranye n’amategeko.

Umuyobozi w’Imirimo Rusange (Corporate Services Division Manager) muri Minisante Valens Ndonkeye arashyirwa mu majwi ku makosa yose ari muri iyi raporo.

Amakuru Umuryango wamenye ni uko Valens Ndonkeye, Umuyobozi w’Imirimo Rusange muri Minisante yaba yarabanje kwima abakozi ba komisiyo dosiye zakosoreweho ikizamini cyanditse ariko akaza kuzitanga hakoreshejwe izindi mbaraga.

Andi makuru ni uko aya amakosa ngo ashobora kuba atarakozwe mu buryo bwo gucikwa nk’uko Minisante yabibwiye abakozi ba Komisiyo ahubwo bishoboka ko hari icyagiye gitangwa ngo bamwe bahabwe akazi hirengagijwe ibyasabwaga.

Abavuga ibi bakabihera ko hari amazina agaruka muri buri kibazo Komisiyo yagaragaje mu muri iyi raporo kandi bose barabonye akazi.

Valens Ndonkeye yatangarije Umuryango ko iri genzura ryakozwe ndetse raporo y’agateganyo igasoka, bakagira icyo bayivugaho ariko bakirindiriye raporo ya nyuma ndetse n’ibyo basabwa gukora ngo bayishyire mu bikorwa.

Yagize ati:” ntabwo harasohoka raporo ya nyuma, raporo iracyari muri komisiyo, mu gihe izaba yasohotse igira n’ibyo isaba nibwo tuzabishyira mu bikorwa”.

Habiyaremye Valens, afite ikiciro cya gatatu cya Kaminuza mi Ibaruramali, yari yatsinze ikizamini cyanditse n’amanota 42 ariko amanota ye bayagabanyaho 27 asigarana 15. Avuga ko icyamubabaza atari uko yakwimwa amanota ahubwo azababazwa n’uko bizanamenyekana ariko ababikoze ntibahanwe.

Yagize ati:” Nk’umuntu wabaye mu bwarimu ndabyumva, birashoboka ko wakwibeshya, ariko kwibeshya amanota umuntu yayabonye ukayagabanya simbyumba, ariko nanone icyambabaza cyane ni igihe igenzura ryarangira ababigizemo uruhare ntibabibazwe, hari ikizere ko amategeko yazandenganura”.

“Kundendanya simbifatamo nk’ikibazo cyane, ikibazo ni uko byagaragara bikarangirira aho gusa ntawe ubibajijwe”.

Olivier Kanamugire, Umuyobozi w’Ishami ry’Imicungire y’Abakozi mu bigo muri Komisiyo y’Abakozi ba Leta yatangarije Umuryango ko iyo bakoze igenzura bagasanga hari amakosa yakozwe mu gutanga akazi abo bakozi bahawe akazi birukanwa.

Yagize ati: “Ubusanzwe amategeko ateganya ko iyo bigaragaye ko umukozi yagiye mu kazi mu buryo bunyuranyije n’amategeko ahita yirukanwa hagatangwa ibizamini ku bamusimbura”.

Nta gisubizo twabonye cya Komisiyo y’Abakozi ba Leta ku cyakorwa mu gihe byagaragara ko hari abakandida bibwe amanota bari babonye mu kizamini iki n’iki bikabagiraho ingaruka zo gutsindwa.

Author : Joseph Hakuzwumuremyi

Hakuzwumuremyi Joseph ni umunyamakuru utarabigize umwuga. Afite impamyabushobozi y’ikiciro cya kabili cya Kaminuza mu ikoranabuhanga n’icungamutungo. Yashinze ikinyamakuru cy’Akarere ka Gisagara, Amabengeza (ubu cyabaye Imbanzabigwi), yashinze ikinyamakuru cy’Akarere ka Bugesera, Bugesera Magazine. Yabaye umukorerabushake igihe kinini kuri Radio Salus. Ubu ni umunyamakuru usesengura inkuru za Politiki n’Umutekano ku kinyamakuru Umuryango.

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Gusa ibi rwose ni byiza kuba iyi komisiyo yarabigaragaje. Birababaje pe! Structure yakozwe nayo irakemangwa kuko hari n’inyanya bagiye bakuramo abakozi babyigiye bagashyiramo abatagira aho bahuriye n’ibikorerwa muri iyo myanya. Urugero abitwaga ba Administrateurs bakuweho, bashyirwa mu myanya ya ba Monitoring and Evaluation Officers(M&E Officers) ubu utamenya iyo babarizwa kandi aribyo bize. Nabyo hari ikibyihishe inyuma kidasobanutse bishoboka ko cyagira aho gihurira n’icya ba DAF. Komisiyo ibabe hafi ba M&E Officers ibatabare kuko nabo ni abanyarwanda.

    April 2018
  • chat_bubble

    ARIKO MURASETSA YEMWE ,NONESE NIBA WARABONYE UMWANYA UWUGUZE UKEKA KO UTAZAGARUZA AYO WATANZE??? NIMUBAREKE BABANZE BAKUREMO AYO BATANZE KUGIRANGO BABONE UBU DAF. BOHEREJWE NA MINISANTE GUSHAKA AYO BATANZE MU KUBONA AKAZI. NTIMUBARENGANYE ! ABAKENE MUZAHORA HASI.

    April 2018
  • chat_bubble lynda

    Imitangire yakazi muri Minisante ikwiye kurebwa uko yakosorwa. RBC na Muhima Hospital naho si shyashya.

    April 2018
  • chat_bubble Bitangaza

    Mukavuga mukavuga na Nyanza. Cyakora narumiwe kokouriya HR waho imana izamuhanire ibyo akora ariko uwo guhanwa cyane siwe nkaburiya abantu batandatu baherutse guha akazi batumiwe ababimenye baza bakanga gufata ibyangombwa byabo byitwa iki koko nakwitwa jyewe nibwo twajya gusaba akazi ahantu hagatangwa interview gusa muminsi itatu abatsinze bagahamagazwa bagatangira akazi gukosora kumenya abatsinze birangiye kujurira warenganye ngo ntabihaba Akarere kari kabibemereye ninde Mayor wakwemera amahano nkariya , amafaranga azarikora koko nkumuntu waka igice cya miliyoni umwana utaragira aho akora aba koko agamije iki? Njyewe nasabako hakorwa iperereza kubantu 6 binjiye mukazi mubitaro bya Nyanza batumiwe kubera ruswa batanze bagakora interview gusa bya Nyirarureshwa mugihe kitagera no kuminsi itanu bakaza mu kazi abandi bashatse gukora n’iyo interview bikangwa. Twaratashye hashize nka 2jours abamwe twiganye batubwira ko batanze kashi, yewe umwe yanyibwiryeko Akarere kanze kubahemba kubera uburyo bagiye mu kazi budasobanutse ibi ni ukuri RIB nidufashe yegere Akarere ka Nyanza bakure uyu mugore HR mubitaro badasize shebuja DG bizwi hose ko ngo bagabana .Iyaba akazi kahabwaga ugashoboye ntakibazo.

    April 2018
  • chat_bubble Ngabo Hetsron

    Abarenganye nibarenganurwe hakurikijwe Amategeko n’amabwiriza

    April 2018
  • chat_bubble Bizarangira

    Basigaye batanga ibizamini bidasobanutse kugirango hatagira umenya uko byagenze. Ni gute mujya mubizamini mukora kumyanya itandukanye ntanaho bihuriye bakabaha ikizamini gisa. Ugasanga babahaye ibibazo byose ari ukuvuga uko muryama nibakosora azakosora uko abyumva hanyuma uwo bihuje imyumvire niwe uzahabwa amazina!!! Nzaba Ngoma????

    April 2018
  • chat_bubble manuma

    yewee abafashwe bo nabo mucyaro naho abo mu mujyi nka ba DAF ba kacyiru, Kibagabaga barahamagawe ikizami bagisubiramo kuyandi ma copy mashya

    April 2018
  • chat_bubble pop

    Ahubwo nimurebe nuwo mu DAF uri kaduha, ni inanga , ibyo yize ntaho bihuriye n’ibyasabwaga ariko ngo yaratsinze hahaahahahahahahahahah

    April 2018
  • chat_bubble Dudu

    Minisanté yo muri Human Ressource harimo abanyamanyanga bakomeye cyane rwose.. nukuri niba hari abashinzwe gukemura ibibazo bazabikore kuko bariya bakora muri HR minisanté bari gukoramo amakosa akomeye cyane cyane muri iyi new structure aho uba uri mu kazi ugashiduka bakuzaniyeho undi muntu. Babigize akarima kabo. Hon Minister agenzure abakozi be n’ibuo bari gukora.

    April 2018
  • chat_bubble Laurent

    Ikimeenyane kiri henshi, si miiisante gusa, bazarebe no muri RMB aho ukorana ikizamini n umuntu uri mukazi , cg mugakora ikizamini amanota ntaze,yanaza mugaheruka aya ekiri gusa .,mugategereza interiviyu amaso agahera mukirere,mbsee bikorera ibyo bishakiye!!

    April 2018
  • chat_bubble Fifi

    Ni hatari pe! ikimenyane cyangwa se irondakarere mu mitangire y’akazi niba byaremejwe, hashirwaho uburyo bikorwa neza, bityo abakora ibizamini tukabimenyera. Urugero, birazwi ko kugirango ubone akazi mu Karere ku mwanya wa Gitifu na Division Manager bishingira kuba kandida babaye vetted, so iyo myanya si ngombwa ko iba published cyane ko uzatsinda aba azwi. Ikindi, iyi vetting yajya ihera kuri capacity y’umuntu cyane ko ababa vetted usanga nta bushobozi bafite, bityo ugasanga mu bigo bya Leta hari imikorere n’imikoranire mibi iterwa na weakness z’abakozi babaye vetted.

    Secondly, indi mwanya idakorerwa vetting igomba kujyamo abahanga babitsindiye (ibi byatuma Abanyarwanda bagirira icyizere inzego za Leta, kandi ikibabaje n’uko ibi bihuzwa n’amateka, bikavangira ubumwe bw’Abanyarwanda), urugero: buriya ibiherutse gutangazwa n’abakozi ba WASAC, byatumye abantu benshi bibaza ku miterere y’irondakarere mu itangwa ry’akazi, etc.

    Murakoze.

    April 2018
  • chat_bubble

    Muzagere mubitaro bya Nyanza aho batanga interview batatanze ikizamini cyanditse abayikora bakaba abatumiwe bishyuye ibihumbi 500000 umu HR uhaba Umutesi Marie Grace akayagabana na DG Ngiruwonsanga Pascal abatayishyuye bakangirwa gutanga ibyangombwa no gukora ikizamini mucyumweru. Kimwe abakora bagatumirwa bakikirigita bagaseka bakaba banatangiye akazi. Mutekereze kujyana n’umuntu mwiganye mukaganira muje gukora ingirwa interview akakubaza ngo wowe watanze angahe? Uti ntayo ati warasaze ntacyo bakumarira mugataha bwacya nyuma y’iminsin 2 ati twatangiye akazi barimo kunyereka aho nzakorera ? Ibyo bigahabwa umugisha ibitaro bikimakaza Ruswa Akarere kabizi barebera. Ikibabaje uyu Umutesi Marie Grace arazwi ko 500000 atayahusha ko agabana na Shebuja , Akarere karabizi wavutswa akazi warize kubera ruswa bagasaba imbabazi bikarangira ngo amakosa yabaye ntazongera Hageho no guhana kuko ntawukora ibizami i nyanza mubitaro ngo atsinde gutanga ruswa bihora bigaruka kandi bikagira izingiro kumukozi ushinzwe abakozi.

    April 2018
  • chat_bubble byigero

    ko musiga mu bitaro bya muhororo(mukapasika denyse)

    April 2018
  • chat_bubble byigero

    ko musiga mu bitaro bya muhororo(mukapasika denyse)

    April 2018
  • chat_bubble rnr

    bareke kugabanya amakosa ya minisante.nibacukumbure bagere mubitaro byose maze barebeko badahmirwa nibiyikorerwa mo.bagere nomuriza council nihobihera

    April 2018
  • 1 | 2 | 3 | 4

Inzindi nkuru

"Ndagira ngo mbabwire ko bazaza vuba"-Minisitiri w’Intebe avuga ku bimukira...

Minisitiri w’Intebe,Dr Ngirente Edouard yatangaje ko vuba ahaabimukira...
19 May 2022 0

Minisitiri w’intebe yavuze kuri Dosiye ya Bamporiki n’icyo Leta yiteguye...

Mu kiganiro n’itangazamakuru ku buzima bw’igihugu, Minisitiri w’Intebe yavuze...
18 May 2022 0

"Uganda ntikiri indiri iboneye ku batoroka Leta y’u Rwanda": Mugabe...

Umubano w’u Rwanda na Uganda ukomeje gutera intambwe uzahuka umunsi ku wundi...
18 May 2022 0

Mgr Papias Musengamana yaramburiweho ibiganza mu umuhango wo kumuha...

Kuri uyu wa Gatandatu kuri Stade ya Gicumbi muri Diyosezi ya Byumba,...
14 May 2022 0

Perezida ndayishimiye yatangaje ikizatuma umubano w’Uburundi n’u Rwanda uba...

Perezida Ndayishimiye yavuze ko Gitega na Kigali bari gukora uko bashoboye...
14 May 2022 1

Hasohotse andi makuru y’umusore wigeze kurega Bamporiki kumwambura

Hasohotse andi makuru kuri Bamporiki Edouard uherutse guhagarikwa ku...
10 May 2022 1