skol
Kigali

Komisiyo y’Abakozi ba Leta yatahuye uburiganya mu mitangire y’akazi muri Minisante

Amakuru   Yanditswe na: Joseph Hakuzwumuremyi 30 April 2018

Diane Gashumba, Minisitiri w’Ubuzima
Muri raporo y’ubugenzi yakozwe na Komisiyo y’Igihugu y’Abakozi ba Leta mu kwezi kwa 10 2017 yagaragaje bumwe mu buriganya bwakozwe bigaragara ko busa n’ubwagambiriwe mu bizamini by’akazi ku bakozi bashinzwe Imari n’Ubutegetsi (DAF) mu bitaro binyuranye bya Leta.


Amwe mu makosa, nk’uko bigaragara muri raporo y’igenzura y’agateganyo Umuryango ufitiye kopi, harimo abakozi batanze impapuro zisaba akazi italiki yo gusaba akazi yararenze, kongerera amanota abatsinzwe, kwima amanota abatsinze, guha akazi abatujuje ibyasabwaga n’ibindi.

Muri iyi raporo, bigaragara ko Mukankiko Peace wahawe akazi mu bitaro bya Ruhango, Furaha Frank wahawe akazi mu bitaro bya Shyira na Kabanda Albert impapuro zabo zisaba akazi Minisante yazakiriye hafi amezi abiri nyuma y’aho italiki ntarengwa yo gutanga impapuro zisaba akazi yari yararenze.

Aba bose basabye akazi taliki 17/4/2017 italiki ntarengwa yari taliki 24/2/2017. Mu gitabo cy’abatanze dosiye zisaba akazi aba bahawe nomero umwe umwe ifite iy’undi muntu bisa ariko we watangiye igihe dosiye ye, ibi byasaga no kujijisha. Aba bose uko ari 3 bahawe akazi.

Muri iri genzura kandi, byagaragaye ko hari abakandida bahawe akazi nyamara dosiye batanze zitari zujujue ibisabwa.

Twagirimana Albert, wahawe akazi mu bitaro bya Mibilizi, Komisiyo yasanze muri dosiye ye diplome y’ikiciro cya gatatu cya Kaminuza (Masters) ari iyo ku italiki ya 25/8/2017 mu gihe italiki ntarengwa yo kwakira dosiye zisaba akazi yari 24/2/2017.

Ndamage Theophile wahawe akazi mu bitaro bya Nyanza we muri dosiye ye harimo icyangombwa cyo ku italiki ya 21/10/2017 cy’uko ari kwiga ikiciro cya gatatu cya Kaminuza kandi hari amasomo 6 ashigaje!

Mu igenzura kandi, raporo igaragaza ko hari abakandida bari batsinzwe ikizamini cyanditse bakongererwa amanota, ndetse n’uwatsinze iki kizamini amanota ye bakayagabanya bityo akimwa uburenganzira bwe bwo gukora ikizamini cy’ikiganiro.

Musoni Sylvestre yahawe akazi mu bitaro bya Munini yatsinzwe ikizamini cyanditse aho yari yabonye amanota 15/50 atamwemerera gukomeza ikindi kizamini ariko yongererwa amanita 20 ahita yemererwa kujya mu kizamini cy’ikiganiro ndetse asohoka mu batsinze.

Ndamage Theophile wahawe akazi mu bitaro bya Nyanza yari yabonye amanota 11/50 mu kizamini cyanditse yongererwa amanota 20 ngo abashe gukora ikizamini cy’ikiganiro .

Sinayitutse Desire wahawe akazi mu bitaro bya Gihundwe yari yatsinzwe n’amanota 22 yongererwa amanota 5.5 ngo abashe gukora ikizamini cy’ikiganiro.

Ibyimana Consolatrice wahawe akazi mu bitaro bya Kirehe yari yatsinze ikizamini cyanditse yemerewe gukora ikizamini cy’ikiganiro ariko n’amanota ye arongerwa. Yari yabonye amanota 27.5/50 yongererwa amanota 14.5.

Uwitwa Habiyaremye Valens yari yatsinze ikizamni cyanditse n’amanota 42/50 ariko yimwa uburenganzira bwo gukora ikizamini cy’ikiganiro kuko mu gutangaza amanota yasanze afite 15/50. Amanota ye yagabanyijweho amanota 27!

Muri iri genzura kandi, raporo igaragaza ko Sylvestre Musoni wahawe akazi mu bitaro bya Munini atigeze yerekana dipolome y’u Rwanda inganya agaciro n’inyamahanga iri muri dosiye ye nabyo bikaba binyuranye n’amategeko.

Umuyobozi w’Imirimo Rusange (Corporate Services Division Manager) muri Minisante Valens Ndonkeye arashyirwa mu majwi ku makosa yose ari muri iyi raporo.

Amakuru Umuryango wamenye ni uko Valens Ndonkeye, Umuyobozi w’Imirimo Rusange muri Minisante yaba yarabanje kwima abakozi ba komisiyo dosiye zakosoreweho ikizamini cyanditse ariko akaza kuzitanga hakoreshejwe izindi mbaraga.

Andi makuru ni uko aya amakosa ngo ashobora kuba atarakozwe mu buryo bwo gucikwa nk’uko Minisante yabibwiye abakozi ba Komisiyo ahubwo bishoboka ko hari icyagiye gitangwa ngo bamwe bahabwe akazi hirengagijwe ibyasabwaga.

Abavuga ibi bakabihera ko hari amazina agaruka muri buri kibazo Komisiyo yagaragaje mu muri iyi raporo kandi bose barabonye akazi.

Valens Ndonkeye yatangarije Umuryango ko iri genzura ryakozwe ndetse raporo y’agateganyo igasoka, bakagira icyo bayivugaho ariko bakirindiriye raporo ya nyuma ndetse n’ibyo basabwa gukora ngo bayishyire mu bikorwa.

Yagize ati:” ntabwo harasohoka raporo ya nyuma, raporo iracyari muri komisiyo, mu gihe izaba yasohotse igira n’ibyo isaba nibwo tuzabishyira mu bikorwa”.

Habiyaremye Valens, afite ikiciro cya gatatu cya Kaminuza mi Ibaruramali, yari yatsinze ikizamini cyanditse n’amanota 42 ariko amanota ye bayagabanyaho 27 asigarana 15. Avuga ko icyamubabaza atari uko yakwimwa amanota ahubwo azababazwa n’uko bizanamenyekana ariko ababikoze ntibahanwe.

Yagize ati:” Nk’umuntu wabaye mu bwarimu ndabyumva, birashoboka ko wakwibeshya, ariko kwibeshya amanota umuntu yayabonye ukayagabanya simbyumba, ariko nanone icyambabaza cyane ni igihe igenzura ryarangira ababigizemo uruhare ntibabibazwe, hari ikizere ko amategeko yazandenganura”.

“Kundendanya simbifatamo nk’ikibazo cyane, ikibazo ni uko byagaragara bikarangirira aho gusa ntawe ubibajijwe”.

Olivier Kanamugire, Umuyobozi w’Ishami ry’Imicungire y’Abakozi mu bigo muri Komisiyo y’Abakozi ba Leta yatangarije Umuryango ko iyo bakoze igenzura bagasanga hari amakosa yakozwe mu gutanga akazi abo bakozi bahawe akazi birukanwa.

Yagize ati: “Ubusanzwe amategeko ateganya ko iyo bigaragaye ko umukozi yagiye mu kazi mu buryo bunyuranyije n’amategeko ahita yirukanwa hagatangwa ibizamini ku bamusimbura”.

Nta gisubizo twabonye cya Komisiyo y’Abakozi ba Leta ku cyakorwa mu gihe byagaragara ko hari abakandida bibwe amanota bari babonye mu kizamini iki n’iki bikabagiraho ingaruka zo gutsindwa.

Author : Joseph Hakuzwumuremyi

Hakuzwumuremyi Joseph ni umunyamakuru utarabigize umwuga. Afite impamyabushobozi y’ikiciro cya kabili cya Kaminuza mu ikoranabuhanga n’icungamutungo. Yashinze ikinyamakuru cy’Akarere ka Gisagara, Amabengeza (ubu cyabaye Imbanzabigwi), yashinze ikinyamakuru cy’Akarere ka Bugesera, Bugesera Magazine. Yabaye umukorerabushake igihe kinini kuri Radio Salus. Ubu ni umunyamakuru usesengura inkuru za Politiki n’Umutekano ku kinyamakuru Umuryango.

Ibitecyerezo

  • Who are you?

    Amategeko n'amabwiriza birkurikizwa


  • chat_bubble manuma

    DAD wa Kibagabaga we ko mutamuvuga???umuntu waricashier bagatinyuka bakamugira DAF same hospital ........amakosa yo aba arimo ahubwo sinzi uko mujya mureba.

    April 2018
  • chat_bubble NTIBITURA Jacques

    Bzage no muri WASAC ho wasangamo nabatanze diplome zitasabwe bagahabwa akazi. ibi ni ibisanzwe

    April 2018
  • chat_bubble Bunane

    Mubyukuri Dufite ikibazo gikomeye crane. Kudos nta munyarwanda wagakwiriye gukora ibyo kosa muri ibibihe tugezemo pe! Gusa Minisante yo yisubireho cyane ko turikumva ngo ishaka no gukuraho council exams ngo bakanjya bazikorera ku mashuli kdi hari abiga mubihugu bitagira High council. Nk’Uburundi na Congo. Abanyarwanda bigayo babigenderamo pe!

    April 2018
  • chat_bubble kambanda

    Nonese minisante niyo ibamo ibi gusa wamugani kurusha bibera muturere na larga yatwo, aho ijya gukoresha ibizamini ibanje gukorana akanama nabayoboze bakarere? Ese nkabariya bakozi bagiye batekinirwa amanota bagakaba imyanya bakaba bahembwa, hazakurikiraho ibiki? Tuyobewese ko komisiyo haraho ikora irigenzura bakayiha ruswa raporo igahishwa cyangwa igasoka ari ntamakemwa??? Nyaruguru ubwiherukayo mukarere koyasanze harabakozi batazi uko bageze mu myanya, abasimbura bitemewe, abahohoterwa muburyo butandukanye, mayor niyahise abomamunyuma akabahereza kuyo bamuha nibyahise biburizwamo?? Uyu Musoni se ko yatanzaye ikibonera 15/50 ntana dossier yujuje haba mumpapuro no mumutwe, ntiyica gakiza siwe utanga akazi, siwe utanga amanota ukoyishakiye utsinda akabaratsinze kuberaye yatanze?? Tuyobewese ko amafaranga asaruza mu myanya atanga bibari ubukomisiyo ayagabana nabamwe mubayobozi bakarere???

    April 2018
  • chat_bubble Mudaheranwa

    Iyo Komisiyo yakoze akazi gakomeye kandi bakomereze aho barenganure kandi barengere abashomeri bafite ubumenyi arko kuko nta mu mufuka cg batagira ikindi batanga bakavutswa amahirwe.
    MINISANTE niho babonye ubwo n’ahandi banyarukireyo, baturebere. Mu turere Ho ni Ubundi buhamya.
    Murakoze.

    April 2018
  • chat_bubble Rurinda

    Iyi commission nitubabarire Ikoti ibishoboka ire gander ababa aye pe.Ibirimo Kubrick mu Bitaro Bya MUNINI byo n agahinda.Musoni we wagirango MUNINI ni ikibanza yah awe nababyeyi be!!mumutubarize imyanya yagiye mu isoko igakorerwa nibizamini byaraheze he?!gusa amakuru ahari Nuko babirwaniyemo na bamwe mu bayobozi bakarere ka Nyaruguruumwe azana uwe undid uwe!!!Musoni we turabizi ko kugirango abone uriya mwanya yatanze agatubutse kid we ubwe arabyigamba!Bizwi ko credit yagatubutse Yatse muri Sacco ya Munini ariho yayijyanaga!ariko umuntu arya Ruswa no kumwanya wubushoferi koko!!umve nimutabare Munini igeze ahabi pe!Musoni we uri umugome,

    April 2018
  • chat_bubble Rurinda

    Iyi commission nitubabarire Ikoti ibishoboka ire gander ababa aye pe.Ibirimo Kubrick mu Bitaro Bya MUNINI byo n agahinda.Musoni we wagirango MUNINI ni ikibanza yah awe nababyeyi be!!mumutubarize imyanya yagiye mu isoko igakorerwa nibizamini byaraheze he?!gusa amakuru ahari Nuko babirwaniyemo na bamwe mu bayobozi bakarere ka Nyaruguruumwe azana uwe undid uwe!!!Musoni we turabizi ko kugirango abone uriya mwanya yatanze agatubutse kid we ubwe arabyigamba!Bizwi ko credit yagatubutse Yatse muri Sacco ya Munini ariho yayijyanaga!ariko umuntu arya Ruswa no kumwanya wubushoferi koko!!umve nimutabare Munini igeze ahabi pe!Musoni we uri umugome,

    April 2018
  • chat_bubble Katy

    Akarengane ko karaganje

    April 2018
  • chat_bubble

    Bjr
    Babisuzume neza baratwishe abakozeyo ibizamini. Uwo DM yakiraga dossiers zakoreweho ibizamini akazishyira ahatandukanye ntitumenye impamvu ariko iramenyekaye Leta ni umubyeyi idufashe iturenganure.Turashima igihugu kiza kiturebera aho tutagera gusa DM wa Minisante abibazwe. Murakoze

    April 2018
  • chat_bubble kamali

    Minisante iyo ngeso irahaba ariko aba bo ngo banatangaga agatubutse Miliyoni yose ubwo wasanga abasakuza batari bayifite cg batazi aho byagombaga guca muri make abenshi bari basanzwe ari ba Administrateurs bari bazi aho baca nuwo baha amafaranga ninabo bagiye bashaka abandi bayifite mugihe batabaga ari abantu ba boss wavuzwe wabikoze nkana. Nabo rero bamaze kwishyura Miliyoni baje kuyigaruza mubitaro baca za 500000 riravuga ariko sha Ruswa iri mu Rwanda muhishira mukarebera izadusenyeraho ibyo twubatse niba ntagikozwe .

    April 2018
  • chat_bubble seb0

    Hhhhhh, iyi komisiyo se ubu nigiki izanye gishya mu bantu koko ibi ninde utaziko ariko bikorwa mugihugu ninde wabona akazi ataziranye nabamanyenyeri cyangwa atikoze kwikofi kandi akabona umugererayo akayamutangira???? Ubuse iyi komisiyo iyobeweko mugihugu hose mu karere ka nyaruguru ariho huzuye abakozi mu myanya muburyo butemewe bitwako ngo bakitinga imyaka ikaba ibaye itatu umukozumwe akara mu maynya ibiri ubundi bagahembwa bakagirabo bagenera icyacumi cayburi kwezi!!! Ibise komisiyo ntibizi harigihe idahorayo nabakoozi bayo muri misiyo byarangiza bakabahereza akantu hagasoka karaporo kamafuti ngwimyanya bayishyize kwisoko ntihave kurirysoko igaheraho!11 KOMISIYO NIBIKI ITAZI KOKO BIKORERWA MURIKI GIHUGU HABA ZA MINISITERI HABA MUTURERE??? NGAHONIJYE MUBIHERUKA GUKORERWA NGORORERO IREBUKO BANDIRIYE UMWANYA WA ACCOUNTANT

    April 2018
  • chat_bubble KAYUMBA

    Hoya bitubeshya utu niduke babonye hakaba nabyinshi babona bakabiceceka, buriya biriya bitaro nuko btabashatse> Kuki batatubwira ibikorerwa mu turere byo basanze bifite ukuri? Nibage mubiherutse gukorwa muri ministere yurubyiruko aho bagiye baduha za dissertation murwego rwo kugirabo bashaka guha ayobashatse!!! Iki gihugu cyarapfuye mu mitangire yakazi sinzi impinduka zizakizamo, nahubundi ibyitwa sisitemu nicyama biraruroshye peeeeeee

    April 2018
  • chat_bubble seb0

    Hhhhhh, iyi komisiyo se ubu nigiki izanye gishya mu bantu koko ibi ninde utaziko ariko bikorwa mugihugu ninde wabona akazi ataziranye nabamanyenyeri cyangwa atikoze kwikofi kandi akabona umugererayo akayamutangira???? Ubuse iyi komisiyo iyobeweko mugihugu hose mu karere ka nyaruguru ariho huzuye abakozi mu myanya muburyo butemewe bitwako ngo bakitinga imyaka ikaba ibaye itatu umukozumwe akara mu maynya ibiri ubundi bagahembwa bakagirabo bagenera icyacumi cayburi kwezi!!! Ibise komisiyo ntibizi harigihe idahorayo nabakoozi bayo muri misiyo byarangiza bakabahereza akantu hagasoka karaporo kamafuti ngwimyanya bayishyize kwisoko ntihave kurirysoko igaheraho!11 KOMISIYO NIBIKI ITAZI KOKO BIKORERWA MURIKI GIHUGU HABA ZA MINISITERI HABA MUTURERE??? NGAHONIJYE MUBIHERUKA GUKORERWA NGORORERO IREBUKO BANDIRIYE UMWANYA WA ACCOUNTANT

    April 2018
  • chat_bubble mariya

    hhhh Ukuntu bakuyeho aba admin byerekanagako hari izindi nyungu bakurikuye!!!ahubwo iriya myanya yosew isubizwe ku isoko n’ababikoze bahanwe kuko ruswa barayiriye

    April 2018
  • chat_bubble Damas

    Ubu bibagaho cyane.erega turi abantu.

    April 2018
  • 1 | 2 | 3 | 4

Inzindi nkuru

"Ndagira ngo mbabwire ko bazaza vuba"-Minisitiri w’Intebe avuga ku bimukira...

Minisitiri w’Intebe,Dr Ngirente Edouard yatangaje ko vuba ahaabimukira...
19 May 2022 0

Minisitiri w’intebe yavuze kuri Dosiye ya Bamporiki n’icyo Leta yiteguye...

Mu kiganiro n’itangazamakuru ku buzima bw’igihugu, Minisitiri w’Intebe yavuze...
18 May 2022 0

"Uganda ntikiri indiri iboneye ku batoroka Leta y’u Rwanda": Mugabe...

Umubano w’u Rwanda na Uganda ukomeje gutera intambwe uzahuka umunsi ku wundi...
18 May 2022 0

Mgr Papias Musengamana yaramburiweho ibiganza mu umuhango wo kumuha...

Kuri uyu wa Gatandatu kuri Stade ya Gicumbi muri Diyosezi ya Byumba,...
14 May 2022 0

Perezida ndayishimiye yatangaje ikizatuma umubano w’Uburundi n’u Rwanda uba...

Perezida Ndayishimiye yavuze ko Gitega na Kigali bari gukora uko bashoboye...
14 May 2022 1

Hasohotse andi makuru y’umusore wigeze kurega Bamporiki kumwambura

Hasohotse andi makuru kuri Bamporiki Edouard uherutse guhagarikwa ku...
10 May 2022 1