Burundi:Abarenga 2000 bari mu mazi abira kubera kurindimuka k’umusozi bari batuyeho
Yanditswe: Saturday 20, Apr 2024
Umwana umwe w’imyaka itanu yaraye apfuye, abaturage barenga 2.400 nabo ubu bakaba batagira aho bakinga umusaya.
Ni inyuma y’aho umusozi wabo wa Gabaniro urindimukiye ugashunguka muri zone Gitaza ya komine Muhuta mu ntara ya Rumonge,mu majyepfo ashyira uburengerazuba bw’u Burundi.
Ku bw’umukuru wa komine Muhuta Niyonsavye Scholastique, ubu imidugudu irenga 350 nta n’umwe ukiboneka.
Yabwiye BBC Gahuzamiryango ati:’’Agace kose ka Gabaniro kararindimutse’’ kajyana n’imirima ingana na hegitari zirenga 500 (500ha)."
Ibi byabaye nka saa kumi n’imwe z’umugoroba.
Amafoto ari guhererekanywa ku mbuga nkoranyambaga yerekana imivu irimo kurindimuka, abaturage bari gukoma induru batabaza.
Umukuru wa komine Muhuta avuga ko ubu abaturage 2.485 baraye ku ishure Ecofo Kirasa nta na kimwe bafite mu bikenewe, bategereje abaza kubafasha.
Imirima yabo yose yaraye ijyanwe n’uwo musozi. ’’Bari bejeje imyaka’’ nk’uko Meya Niyonsavye abivuga. Ako karere gasanzwe kavamo mandarine n’ibindi byinshi, ubu byari byeze. Iyindi mirima yari igizwe n’ibigori, ibishyimbo, imyumbati, amateke.
Hangiritse kandi amazu menshi byashyize ubuzima bwa benshi mu kaga.
BBC
Leave a Reply
Your email address will not be published. Required fields are marked *