REB yahaye ihumure abarimu bashaka kwimurwa ku bigo bakoreraho
Ni mu gihe bamwe mu barimu bagaragazaga ko bagorwa no guhindura ibigo ngo begere imiryango yabo bigatuma bamwe bafata icyemezo cyo gusezera kubera kunanirwa n’imibereho y’aho boherezwa gukora.
Benjamin Serugendo na Gihozo Ange ni umugabo n’umugore bashakanye batuye mu Karere ka Gasabo kandi bose bakora umwuga w’uburezi ku bigo by’amashuri bitandukanye mu Ntara y’Amajyaruguru.
Iyo bagiye ku kazi inzu barayikinga cyangwa bakayishakira abayikodesha. Bavuga ko bahangayikishijwe no kuba barasabye ko bahindurirwa ibigo kugira ngo bakore ariko banubatse urugo ruri hamwe bikaba byarananiranye ku buryo iyo bari mu kazi baba bibaza icyerekezo cy’urugo rwabo bakabona nta terambere.
Iki ni ikibazo bahuriyeho na bagenzi babo boherejwe kwigisha mu bigo by’amashuri biri kure y’imiryango yabo cyangwa abafite ibibazo byihariye birimo ubumuga, indwara zitandura zababayeho akarande ku buryo bigisha badatekanye kubera gukorera kure y’imiryango yabo cyangwa aho batuye.
Ikigo cy’Igihugu gishinzwe uburezi bwibanze REB cyatangaje ko guhera kuri uyu wa Mbere abarimu, batangira gusaba guhinduranya kandi bikazakurikirwa no gusaba kwimuka ku bigo bajya ku bindi.
Umuyobozi ushinzwe ishami ry’imibereho n’iterambere ry’abarimu muri REB, Ntawukuriryayo Leon MUGENZI avuga ko abarimu bazoroherezwa muri iyi gahunda ari abujuje ibisabwa kandi bikazakorwa mu gihe gito.
Uyu muyobozi avuga ko nta cyuho bizasiga ku bigo by’aho abarimu bazava bajya ku bindi bigo kuko byateguwe.
Minisiteri y’Uburezi yatangaje ko umwaka w’amashuri wa 2023-2024 uzatangira taliki ya 25 Nzeli 2023.
REB igaragaza ko mu Rwanda hari abarimu n’abakozi mu bigo by’amashuri basaga ibihumbi 102.
Muri uyu mwaka wa 2023/2024 haziyongeraho abasaga ibihumbi bitandatu.
IVOMO:RBA
Comments
Niyirora Enatha janviere 19 February 2024
ahubwo muzadufashe mutumbwire amanota azafatirwaho kugirango dutangire kwitegura ibijyanye nikibazo cyabakorera kure yimiryango yabo nukuri nabo mubatekerezeho bibabigiye murakoze🙏
yves 15 January 2024
REBA NKUBU NKANJYE NKORA GIKOMERO NTAHA MU MURENGE WA KIGALI MFITE INDA YA MEZI ARINDWI MFITE ABANA BA 3 BAKIRI BATO CYANE PAPA WABO NAWE AKAZI AKORA ATAHA NI NJORO URUMVA URWO RUGO RUZATERA IMBERE IKINDI KD UGASANGA AHO NTURUKA ABARIMU BARABABUZE NKARENDA UBURERE BUBIRI KD IWACU HARI IBYUHO
kamani 15 January 2024
ese ntakuntu hajya habanza hakabaho permutation na mutation mbere yuko mutanga akazi bundi bushya ko byagabanya ko abarimu bata akazi kd mwarimu agakora atekanye?
mukamwiza juliet 7 October 2023
Ese abarimu batarashirwa mi myannyaa bizagenda ute?