Print

"Ku cyumweru murahishiwe, muzabona APR FC itandukanye niyo mumaze iminsi mubona." Michel Rusheshangoga

Yanditwe na: 15 March 2017 Yasuwe: 3187

Kapiteni wungirije mu ikipe ya APR FC Rusheshangoga Michel avuga ko nabo nk’abakinnyi batari bazi ibirimo bibaho muri iyi minsi ariko ngo babiganiriyeho bakaba hari byinshi bayemeje nk’abakinnyi.

Michel avuga ko abakunzi b’iyi kipe bitege APR FC nshya guhera ku cyumweru mu umukino wa APR FC izakiramo Pepiniere FC, ngo barabizi ko babaje abakunzi babo ariko ngo nicyo gihe cyo kubihindura.

Yagize ati"natwe nk’abakinnyi tumaze iminsi tubiganiraho, ni nayo mpamvu nkubwira ngo kuri iki cyumweru murahushiwe kuko mugiye kubona APR FC itandukanye niyo mumaze iminsi mubona, mubyukuri natwe twabonaga biba ntago twari tuzi aho bituruka gusa twiyemeje kubikemura." Michel aganira na Umuryango

Michel avuga kandi ko ku ruhande rw’ubuyobozi nabwo butabyumva kuko bubaha buri kimwe cyose ariko ntibamenye aho bipfira gusa ngo ntibabatereranye ahubwo bababaye hafi bakomeza kubaremamo icyizere bababwira ko byose bishoboka ko n’igikombe bagitwara ntarirarenga.

APR FC ya kabiri ikaba izakira Pepiniere FC ya nyuma, ni mu umukino w’umunsi wa 21 wa shampiyona y’icyiciro cya mbere mu Rwanda, umukino ukaba uzaba tariki ya 19 Werurwe 2017.