Print

Misiri: Hosni Moubarak wari umaze imyaka 6 mu buroko yafunguwe

Uwahoze ari Perezida wa Misiri Hosni Mubarak yavanywe ku butegetsi n’igitutu cy’abaturage bamusabaga kurekura ubutegetsi, kuri uyu wa gatanu yarekuwe nyuma y’imyaka itandatu afunzwe nk’uko byemejwe n’umwunganira mu kategeko.

Uyu mugabo w’imyaka 88, yari mu bitaro bya gisirikare mu mujyi wa Cairo, ariko biteganyijwe ko asubira mu rugo rwe ahitwa Heliopolis.

Mu minsi ishize urukiko rw’ubujurire rwamuhanaguyeho ibyaha byo kwica abantu bigaragambyaga mu 2011, ari na bwo yavuye ku butegetsi.