Habyarimana wari umaze iminsi akora igeragezwa muri Rayon Sports yamaze gusinyira Kiyovu Sports
Ikipe ya Kiyovu Sports irimo kwiyubaka nyuma yo gufashwa kuguma mu cyiciro cya mbere na FERWAFA yamaze gusinyisha umukinnyi Habyarimana Innocent na Habakubaho Vincent wavuye muri Pépinière FC mu rwego rwo kwitegura umwaka w’imikino utaha.
Iyi kipe iherutse gusinyisha umutoza Casa Mbungo Andre ikomeje gusinyisha abakinnyi b’inararibonye nyuma y’aho umwaka ushize yafasha umwanzuro wo gukoresha abakiri bato bikarangira bayimanuye mu cyiciro cya kabiri.
Mu bakinnyi Kiyovu Sports yasinyishije harimo uyu Habyarimana Innocent umaze iminsi akora igeragezwa mu ikipe ya Rayon Sports ndetse iri hafi gusinyisha Ndoli Jean Claude na Sebanani Emmanuel uzwi nka Crespo warekuwe n’ikipe ya AS Kigali.
Aba basore bariyongera kuri Maombi Jean Pierre wavuye muri Musanze FC na Fabrice Mugheni wakiniraga Rayon sports mu mwaka w’imikino ushize.