Italiki y’umukino wa mbere uzahuza Rayon Sports na APR FC yamaze kumenyekana
Umukino uhuza amakipe 2 akunzwe kurusha ayandi mu Rwanda ariyo Rayon Sports na APR FC niwo uhuruza imbaga kurusha iyindi dore ko nabo mu bihugu byo hanze baza kwihera ijisho kubera ishyaka riwugaragaramo. Kuri ubu umukino wa mbere ibi bigugu bya hano mu Rwanda bizahuriramo n’uwo guhatanira igikombe cy’Agaciro Development fund uzaba ku Italiki ya 16 Nzeri 2017.
Uyu mukino niwo wa mbere bazahuriramo dore ko uyu mwaka aya makipe azahura inshuro zigera kuri 4 harimo 2 zo muri Shampiyona,umukino wa Super Cup ndetse n’uyu w’Agaciro.
Mu mikino yahuje aya makipe yombi mu mwaka w’imikino ushize ikipe ya APR FC niyo yabyitwayemo neza dore ko yatsinze Rayon Sports inshuro 3 zose banganya rimwe.
Gahunda y’imikino y’igikombe cy’Agaciro Development Fund:
Tariki ya 9 Nzeri 2017
As Kigali vs APR FC 13:00
Rayon Sports vs Police 15:30’
Tariki ya 13 Nzeri 2017
As Kigali vs Rayon Sports 13:00’
APR FC vs Police 15:30’
Tariki ya 16 Nzeri 2017
Police vs As Kigali 13:00’
Rayon Sports vs APR FC 15:30’