Mu marira menshi Abataliyani babuze itike yo kwerekeza mu gikombe cy’isi
Ubutaliyani bwabuze itike yo kwerekeza mu gikombe cy’isi,nyuma yo kunanirwa kwishyura igitego kimwe ku busa bwatsinzwe na Sweden mu mukino ubanza wa kamarampaka.
Mu ijoro ryo kuri uyu wa mbere kuri stade ya San Siro biho Abataliyani bagombaga kwisubanura na sweden mu mukino wo kwishyura aho Ubutaliyani bwasabwaga gutsinda ibitego 2-0 kugira ngo bubashe kwitabira igikombe cy’isi ku nshuro ya 16,ibintu bitabukundiye ibintu byaherukaga mu mwaka wa 1958 mu gikombe cy’isi cyabereye muri Sweden.
Nubwo ba rutahizamu b’Ubutaliyani nka Ciro Immobile,Manolo Gabbiadini,El sharaaw na Belotti babonye amahirwe menshi ntibayabyaje umusaruro kuko umukino warangiye ari 0-0 bituma Sweden yibonera itike yo kwerekeza mu Burusiya umwaka utaha.
Nyuma y’uyu mukino,kapiteni w’Ubutaliyani Gianluigui Buffonwari umaze imyaka 20 iri muri iyi kipe ndetse wayifashije gutwara igikombe cy’isi 2006 yahise asezera aho yakurikiwe n’abandi bakinnyi barimo Andrea Barzagli wa Juventus na Daniele de Rossi wa AS Roma mu gihe na Giorgio Chiellini byitezwe ko na we ashobora gusezera.
Abakinnyi babanje mu kibuga ku mpande zombi:
Ubutaliyani: Buffon; Barzagli, Bonucci, Chiellini; Candreva, Florenzi, Jorginho, Parolo, Darmian (El Shaarawy 64); Immobile, Gabbiadini (Belotti 64).
Sweden: Olsen; Lustig, Lindelhof, Grandqvist, Augustinsson; Claesson (Rohden 72), Johansson (Svensson 19), Larsson, Forsberg; Toivonen(Kiese Thelin 54), Berg.
Ibihugu 29 bimaze kubona itike ni:
Igihugu kizakira : Uburusiya
CONMEBOL : Brazil, Uruguay, Argentine, Colombia.
Asia : Arabie Saoudite, Iran, Ubuyapani, Korea y’Epfo.
UEFA : Ububiligi, Espagne, Ubudage, Ubwongereza, Pologne, Iceland, Serbie, Ubufaransa, Portugal, Ubusuwisi, Croatie, Suède.
CONCACAF : Mexique, Costa Rica, Panama.
CAF : Tunisia, Maroc, Misiri, Nigeria, Sénégal.