Umutoza wa Sevilla yahishuye impamvu ikomeye yatumye ikipe ye yishyura Liverpool ibitego 3
Umutoza w’ikipe ya Sevilla FC yo mu gihugu cya Espagne yatangaje ko mu mukino wa UEFA Champions League baheruka gukina na Liverpool, mu kiruhuko yabwiye abakinnyibe ko arwaye kanseri bituma bamurwanira ishyaka baza kwishyura ibitego 3-0 baribatsinzwe.
Ikipe ya Liverpool yihariye umupira mu gice cya mbere ndetse ibasha kubona ibitego 3-0 byihuse ndetse iki gice cyarangiye ikipe ya Sevilla idafunguye amazamu.
Ubwo bari bagiye mu kiruhuko,umutoza Eduardo Berizzo wa Sevilla yabwiye abakinnyi be ko bakwiye kumufasha kuko arwaye cancer ya Prostate maze abakinnyi be bagaruka mu gice cya kabiri bariye karungu ndetse birangira bishyuye ibi bitego byose.
Eduardo Berizzo ni umunya Argentina waje mu ikipe ya Sevilla avuye mu ikipe ya Celta Vigo umwaka ushize.Nyuma y’ibipimo byafashwe n’abaganga,uyu mugabo yasanganwe kanseri ikomeye izwi nka Prostate Cancer ndetse ubuyobozi bwa Sevilla bwatangaje ko bugiye gufasha uyu mutoza kugira ngo abashe kuvurwa.