LONI yasabye Perezida Kabila kubahiriza amasezerano yo kurekura ubutegetsi
Umunyamabanga mukuru w’umuryango w’abibumbye, Antonio Guterres, yashishikarije perezida Joseph Kabila wa Repubulika Iharanira Demokarasi ya Congo, kubahiriza amasezerano yo kuva ku butegetsi.
Abivuze nyuma y’urupfu rw’abantu 8 baguye mu myigaragambyo yamaganaga ubutegetsi bwe.
Antonio Guterres yavuze ko amasezerano yumvikanyweho na perezida Joseph Kabila mu mezi 12 ashize, asezeranya kurekura ubutegetsi, ariyo nzira yonyine iboneye yo kugarura amahoro muri Congo.
Yahamagariye guverinoma n’inzego z’umutekano kwitwararika no kwifata mu kudakoresha imbaraga z’umurengera mu guhangana n’abigaragambya mu murwa mukuru Kinshasa n’indi mijyi.
Umunyamabanga mukuru w’ishyirahamwe rihuriwemwo n’ibihugu bivuga igifaransa OIF, Michaëlle Jean, nawe yamaganye ubwicanyi bwakorewe abaturage umunani muri Repubulika iharanira demukarasi ya Kongo.
Mu itangazo yasohoye, yahamagariye ubutegetsi bwa Kongo kubahiriza uburenganzia bwo kugira imyigaragambyo.