Amavubi yageze I Kigali yakirwa n’abafana mbarwa
Ikipe y’igihugu Amavubi yageze mu Rwanda kuri uyu wa Gatanu nyuma y’aho yasezerewe mu mikino ya CHAN itarenze mu matsinda aho yabuze uyakira ubwo yageraga ku kibuga cy’indege I Kanombe kuko yabuze imodoka ibageza kuri Hotel La Parisse i Nyandungu.
Amavubi ntiyakoze ku mitima y’abanyarwanda nyuma y’imyiteguro bakoreye muri Tuniziya no muri CECAFA yabereye muri Kenya,ariko birangira asezerewe mu itsinda C afite amanota 4 gusa.
Amavubi yakinnye imikino 3 aho uwa mbere banganyije na Nigeria, (0-0), umukino wa kabiri batsinda Equatorial Guinea 1-0 mu gihe uwa nyuma batsinzwe na Libya igitego 1-0 bahita basezererwa.
Abakinnyi b’Amavubi babuze inodoka ibatwara kuko Volcano bari bateguriwe yahageze itinze bishakira imodoka zisanzwe zibageza kuri Hotel La Parisse i Nyandungu.
Abakunzi ba ruhago ntibigeze baza kwakira ikipe y’igihugu kuko abari ku kibuga cy’indege batageraga kuri 20.
Amafoto:umuseke.com