Ibikinisho by’abana bikoze muri kawucu byuzuye ubumara
Ibikinisho by’abana bikozwe muri kawucu byakoze kenshi ngo bishobora kubangamira ubuzima bw’abana babikoresha, mu gihe bitaba byasuzumwe mbere y’uko bitangwa.
Abahanga basuzumye ibikinisho 200 byakoze, basanze mu bigo birererwamwo abana, amangazini agurisha ibintu byakoze hamwe no mu mazu y’abantu mu majyepfo ashyira uburengerazuba bw’u Bwongereza basangamo ubumara bushobora kubangamira ubuzima bw’abana.
Ibikinisho 20 byasuzumwe basanze birimo ubwo bumara.
Dr Andrew Turner wo ku ishuli rya kaminuza ya Plymouth, avuga ko ibikinisho byo muri kino gihe bidasuzumwa ariko abantu bagapfa kubitanga.
Dr Turner nabo bafatanyije bakoresheje "Rayons-X" kugira basuzume ibyo bikinisho byari bigizwe n’imodoka, idenesi, utubunda tuto n’ibindi.
Avuga ko babisanzemo ubumara bwa antimoine, barium, bromine, cadmium, chrome, plomb na selenium.
Ubwo bumara ngo bushobora kubangamira ubuzima bw’abana iyo babikinishije igihe kirekire.
Mu gihe abo bana ngo baba bashize ibyo bikinisho mu kanwa, ngo bashobora kwandura ubumara bwinshi.
BBC