Perezida Nkurunziza yemeje itegeko nshinga rimwemerera kwiyamamaza avuga ko ataziyamamaza muri 2020
Tariki 17 Gicurasi 2018 nibwo Abarundi batoye kamarampaka yo kwemeza itegeko nshinga ryemerera Nkurunziza kwiyamamariza manda ebyiri z’ imyaka 7 bimuha amahirwe yo kuyobora kugera muri 2034.
Nubwo itegeko nshinga yari amaze gushyiraho umukono ryamuhaga amahirwe yo kwiyamamaza Perezida Nkurunziza yavuze ko muri 2020 ataziyamamaza nk’ uko byatangajwe na Radio mpuzamahanga y’ Abafaransa RFI.
Nkurunziza yatorewe kuyobora iyi manda mu matora yo muri 2015 ubwo yatsindaga ku majwi 69,41% mu gihe Agathon Rwasa waje amukurikira yari yagize amajwi 18,99%.
Ni amatora yasize imvururu zikomeye zanahitanye ubuzima bw’abanyagihugu, abandi barahunga. Abatavuga rumwe na Nkurunziza bavugaga ko iriya manda yayibye kuko atayemererwaga n’Itegeko Nshinga ry’icyo gihe.
Nkurunziza kandi aherutse kugirwa umuyobozi w’Ikirenga w’Ishyaka rye rya CNDD-FDD