Arsenal yatsinze umukino wayo wa mbere muri premier League,Manchester City iratakaza
Ibifashijwemo na Nacho Monreal, Danny Welbeck na Diop witsinze,Arsenal ibonye amanota 3 ya mbere muri shampiyona y’Ubwongereza itsinze Westham ibitego 3-1,nyuma yo gutangira itsindwa na Manchester City na Chelsea.
Arsenal yatangiye nabi,kuko ku munota wa 25 yatsinzwe igitego cya mbere cyatsinzwe na Marco Arnautovic ku burangare bukomeye bwa ba myugariro ndetse na Petr Cech.
Arsenal yishyuye igitego ku munota wa 30 ku gitego cyatsinzwe na Nacho Monreal ku mupira watewe neza na Alex Iwobi ba myugariro ba Westham ntibawugarura.
Arsenal yagarutse mu gice cya kabiri yariye karungu itsinda igitego cya kabiri ku munota wa 70 ku gitego cyitsinzwe na Issa Diop ku mupira wari utewe imbere y’izamu na Alexandre Lacazette.
Mu minota 3 y’inyongera,nibwo Danny Welbeck winjiye mu kibuga asimbuye yatsinze igitego cya 3 cyashimangiye amanota 3 ya Arsenal.
Mu wundi mukino ukomeye wabaye,ikipe ya Manchester City yatakaje amanota ya mbere kuko yanganyije na Wolverhampton Wanderers igitego 1-1.
Comments
papy 25 August 2018
Courage abarashi tubari inyuma