Maurizio Sarri yagaragaje ko afitiye ubwoba bwinshi ikipe ya Liverpool
Sarri ugomba guhura na Chelsea inshuro 2 mu cyumweru kimwe,yavuze ko Liverpool iteye ubwoba uyu mwaka ndetse Chelsea itaragera ku rwego rumwe nayo mu gihe gito amaze ayihawe asimbuye Conte.
Chelsea yatakajeamanota kuri Westham ifitiye ubwoba Liverpool
Yagize ati “Bari hejuru yacu muri iyi minsi.Tugiye gukina n’ikipe nziza cyane ifite umutoza bamaranye imyaka 3.Twatangiye gukorana iminsi 40 gusa mbere y’uko imikino mpuzamahanga ikinwa,ntitwabashije kwitegura neza.Tugomba gukora cyane kugira ngo nyuma y’umwaka tuzabe turi ku rwego rumwe na Liverpool.Uzaba ari umukino udukomereye,kuko sintekereza ko byatworohera guhagarika Salah, Firmino na Mane ”
Abakunzi ba Chelsea ntibishimiye ubyo uyu mutoza yatangaje aho bavuze ko ubu ari uburyo bwo bwo kwikuraho igitutu ndetse no gutinya Liverpool itatakazi inota na rimwe muri uyu mwaka w’imikino.
Liverpool yiteguye guhura na Chelsea ku wa 3 mu mikino ya Carabao Cup ndetse bazongera guhura ku wa Gatandatu w’iki Cyumweru mu mikino ya Premier League.
Chelsea yanganyije na Westham ku munsi w’ejo muri shampiyona bituma Liverpool iyisiga amanota 2 ku rutonde rwa shampiyona.