Real Madrid yahaye ubutumwa bukomeye umutoza wayo Lopetegui uri kwitwara nabi
Lopetegui amaze imikino 5 adatsinda ndetse atabasha kwinjiza igitego,yabwiwe ko ari mu mazi abira ndetse ahawe imikino 3 irimo uwa Levante,Victoria Plzen na FC Barcelona kugira ngo ayitsinde yose,natabibasha azirukanwa.
Conte yiteguye kwerekeza muri Real Madrid
Uyu munsi nibwo byamenyekanye ko perezida wa Real Madrid,Florentino Perez yatangiye kuvugana na Antonio Conte kugira ngo yitegure gufata akazi muri iyi kipe kuko umutoza Lopetegui atari kwitwara neza.
Kugeza ubu Real Madrid iri ku mwanya wa 4 muri La Liga imaze imikino 8 itangiye,aho isigaye itacyitwara neza mu busatirizi nyuma yo kubura kizigenza Cristiano Ronaldo.
Umutoza Antonio Conte nta kazi agira nyuma yo kwirukanwa na Chelsea mu mpeshyi gusa ikinyamakuru Corriero dello sport cyatangaje ko ategereje telefoni ya Real Madrid mu minsi iri imbere.