Print

Iyi niyo mitoma igezweho umugabo cyangwa umusore yakwifashisha agaragariza umukunzi we urukundo amufitiye

Simbi risuma nk’ agasumo,

Usa nuwasizwe hose,

Uri ishema nashimye

Sinshidikanya ko unyishimira

Ndetse uranankunda bikandenga.

Ni wowe w’ isoni mu isura

Uwo Rugira yansigiye akamunogereza ngo azanogere

Uwo mpora mparaye

Uwo ntazigera mparurukwa

Uwo nahoraga mparana ngo azamperere

Ukaba uw’ ibizigira byizihiye

Uw’ igituza cy’ umutabonde kirimo rwogera yo ku mitari

Munda ni urutembanshyushyu

Hose witwa umwogabyano!

Ntukababare nzahakubera,

Kukubangikanya nzabirwanya

Abadutanya sinzabumva

Nzakubera uko ubimbwira

Kuko uri Igihozo gihumuriza umutima wanjye,

Nzakubera nk’igiti cy’umurinzi,

Nzakurinda umubabaro n’ agahinda!