Gerard Pique yakoreye igikorwa cy’urukundo Ramos badacana uwaka
Pique wari ufite ibyishimo byinshi kubera ko ikipe ye FC Barcelona yarimo kunyagira Real Madrid,yasabye abafana guhagarika indirimbo zituka Sergio Ramos bakinana mu ikipe y’igihugu ya Espagne.
Aba bafana ba FC Barcelona batukaga ku babyeyi Sergio Ramos byatumye uyu myugariro abasaba kureka kuririmba izi ndirimbo,zitari nziza kuri Ramos warimo anyagirwa na FC Barcelona.
Pique yazamuye urutoki arababuza ndetse abasaba gutuza cyane ko barimo baha isomo rya ruhago Real Madrid imaze gutakaza imikino 5 muri 7 iheruka gukina mu marushanwa yose.
Nubwo Pique na Ramos bavuka mu gihugu kimwe,ntibacana uwaka dore ko bakunze guterana amagambo mu binyamakuru mu buryo butiyubashye.
Luis Suarez niwe wigaragaje muri El Clasico yo ku Munsi w’ejo,kuko yatsinze ibitego 3 muri 5-1 FC Barcelona yatsinze Real Madrid, mu gihe Coutinho na Vidal aribo bamwunganiye.
Pique yabujije abafana ba FC Barcelona gutuka Ramos ku babyeyi