Juventus yatangiye gushaka ba rutahizamu bakiri bato bo gufatanya na Cristiano Ronaldo
Juventus iheruka kugura Cristiano Ronaldo miliyoni 100,yatangiye kureshya abasore 2 bakiri bato kugira ngo baze kuyifasha kwiyubaka aho ku isonga berekeje mu ikipe ya PSG kureba ko bagura kizigenza Kylian Mbappe ndetse barifuza kongera gusahura Real Madrid,bagatwara umukinnyi Marco Asensio.
Amakipe ashaka Paulo Dybala akomeje kwiyongera ndetse uyu rutahizamu nawe abangamiwe no gukinana na Cristiano Ronaldo,byatumye Juventus itangira gushaka uko yakwiteganyiriza mu gihe yaba agiye.
Tuttosport yatangaje ko Juventus irajwe ishinga no kwiyubaka ariyo mpamvu yifuza kuzana aba ba rutahizamu 2 kugira ngo bayifashe kwegukana UEFA Champions League.
Dybala arifuzwa n’amakipe y’ibigugu arangajwe imbere na Manchester United ndetse biravugwa ko iri gutanga akayabo ka miliyoni 120 z’amapawundi.
Juventus irashaka Mbappe na Asensio