Print

Umutoza wa AS Roma yibasiriye Real Madrid barahura muri UEFA Champions League

Eusebio Di Francesco yavuze ko Real madrid nta kintu irusha ikipe ya AS Roma ndetse zombi zirwaye kimwe kuko zimaze gutsinda imikino 3 muri UEFA Champions League ndetse zihagaze nabi muri shampiyona zabo.

Yagize ati “AS Roma igiye guhura n’ikipe ifite igikombe cya Champions League.Ese byaba ari amahirwe guhura nabo ubu?niko na Real Madrid itekereza.Turi amakipe ahuje ibibazo,twese turarwaye muri iyi minsi ndetse duhagaze nabi muri shampiyona.”

Eusebio Di Francesco watsinzwe na Udinese muri Weekend,yavuze ko abakinnyi be batacyitanga uko bikwiriye ndetse nta bushake bwo gutsinda bakigira.

Real Madrid irakirwa na AS Roma uyu munsi saa 22h00 kuri stade Olimpico yo mu mujyi wa Roma mu Butaliyani.