Kuri uyu wa Kane nibwo habaye igikorwa cyo gusezerera umukobwa wa 5 mu mwiherero,wabaye Teta Mugabo Ange Nicole wambaraga No.23,nyuma hakurikiraho umuhango wari uyoboye n’umuyobozi w’itorero ry’igihugu,Edouard Bamporiki wo guhiga imihigo ku bakobwa 15 bagomba guhatanira ikamba rya nyampinga w’u Rwanda 2019.
Muri iki gitaramo cyitabiriwe n’abakobwa bahize abandi mu irushanwa rya Miss Rwanda mu 2018 barangajwe imbere na Iradukunda Liliane wambaye iri Kamba, Dushimimana Lydia wabaye Nyampinga w’umuco mu 2018, Umunyana Shanitah wabaye Igisonga cya mbere, Ndahiro Liliane wabaye nyampinga wabanye neza n’abandi, Umutoniwase Anastasie wabaye Miss Popularity na Uwase Phiona nabo bari bitabiriye.
Mu makamba yatanzwe kuri uyu wa Kane,harimo iry’umukobwa wabanye neza na bagenzi be (Miss Congeniality) ryahawe, Tuyishimire Cyiza Vanessa,wasezerewe ku munsi w’ejo mu mwiherero.
Uwitwa Kabahenda Ricca Michaella (No.9) yatowe Miss Heritage (Nyampinga w’Umuco n’Umurage) naho Muyango Claudine yabaye Miss Photogenic (Nyampinga uberwa n’amafoto).
Abakobwa bahawe aya makamba bafite amahirwe menshi yo kuvamo uwakwegukana ikamba rya Miss Rwanda 2019,uretse Tuyishimire Cyiza Vanessa wasezerewe.
Umuhango wa nyuma wo gutora Nyampinga w’u Rwanda uzaba ku wa 26 Mutarama 2019 muri Intare Conference Arena i Rusororo aho hazatangirwa n’ikamba rya nyampinga wakunzwe cyane na rubanda (Miss Popularity).
Congratulations to miss photogenic wambaye neza wakoze guhitamo ibikorerwa iwacu mu Rwanda
Congratulations to Miss Photogenic 2019.
Wambaye neza kandi wahisemo neza ( Made in Rwanda).
Komeza guhagararira no guteza imbere made in Rwanda
Mbega induruuuuu
turambiwe abirirwa basakuza ngo miss wabanyarwanda josiane.twese ntabwo abanyarwanda ariwe dushigikiye nabarimo bose nabanyarwanda nta munyamahanga urimo.knd nirushanwa sa matora.buri muntu afite uwo ashigikiye.
Muyango uyu ni mubi rwose.
Ahaaa byiza cyane umwe wigitsina hary niwe muyango ra?nimumbwire mwe mubizi icyo nzi nuko mubasigaye ntawuza turenza amavi ikamba nirya Josiane