Hemed ukuriye abafana ba Kiyovu yavuze ko gutsinda Rayon Sports biruta gutwara igikombe
Mbere y’uko Kiyovu Sports ihura na Rayon Sports mu mukino wa shampiyona y’u Rwanda,Minani Hemed ukuriye abafana ba Kiyovu Sports yabwiye ikinyamakuru Rwanda Magazine dukesha iyi nkuru ko gutsinda uyu mukeba wabo biruta gutwara igikombe cya shampiyona.
Yagize ati “Tugiye gukina n’ikipe ikomeye. Gutsinda Rayon Sports biraryoha kurusha gutwara igikombe. Tugiye kuyitegura, tuyisubiriye byaba ari ibirori.Ni abakeba b’ibihe byose. Kubatsinda ubona icyo uganira n’umuntu uzi ibyerekeye umupira .Ni umukino ushobora gutuma umara ukwezi kose uryohewe n’icyo aricyo cyose. Ikindi turifuza ko hashyirwaho abasifuzi bazafasha kureba umukino ushimishije."
Mu mukino ubanza muri shampiyona,Kiyovu yari yatsinze Rayon Sports ibitego 2-1 kuri stade ya Kigali i Nyamirambo,ari naho hazabera uwa kabiri kuri uyu wa Kane Taliki ya 28 Werurwe 2019.
Ku munsi w’ejo taliki ya 26 Werurwe 2019, Munyakazi Sadate, umufana wa Rayon Sports akaba n’umushoramari ukuriye Kompanyi igiye gutangirana na Rayon Sports umushinga mushya witwa MK Card,yahaye agahimbazamusyi k’ibihumbi 750 FRW,abakinnyi ba Rayon Sports mu rwego rwo kubatera imbaraga zo kwihimura kuri Kiyovu Sports ndetse ababwira ko kaziyongera nibayitsinda.
Minani yavuze ko Kiyovu Sports yifuza gusubira Rayon Sports
Comments
NDAHIMANA Tharcisse 29 March 2019
Hemed bajye bamureka avuge ariko kiyovu niyo kuvuga