Junior Multisystem ukora indrimbo yakoze impanuka ikomeye Imana ikinga ukuboko
Iyi mpanuka yabereye I Remera yatewe n’imodoka ya gisirikare yagonze izindi modoka, izo yagonze zigonga abanyamaguru barimo Junior Multisystem.
Iyi modoka ya gisirikare yagonze iyagonze Junior wigenderaga n’amaguru yahise igenda gusa iyamugonze nyiri izina yo ntabwo yigeze itoroka nkuko umwe mu bari ahabereye iyi mpanuka wanajyanye Junior Multisystem kwa muganga yabitangarije ikinyaamakuru Inyarwanda dukesha iyi nkuru.
Muyoboke Alex wari ahabereye impanuka wagize uruhare mu kujyana Junior kwa muganga yavuze ko Junior yagize ikibazo mu mugongo, mu mutwe ariko avunika cyane ukuboko.
Igufwa ry’ukuboko kwa Junior ryacitse ku buryo byashobokaga ko baguca ariko siko byagenze umubyeyi we unamurwaje mu bitaro bya CHUK yabitangarije Inyarwanda.
Yagize ati” Ahandi hose ni muzima ntabwo bikabije ariko yavunitse igufa ry’ukuboko bamaze no kumubaga n’ubwo bataramunsubiza.”