Juventus yakubiswe n’igihombo gikomeye nyuma yo gusezererwa na Ajax muri UEFA Champions League
Iyi kipe yaguze Cristiano Ronaldo akayabo ka miliyoni 100 z’amapawundi kugira ngo ayifashe kuzamuri igikombe cya UEFA Champions League uyu mwaka,yatengushye bikomeye abakunzi bayo kuko yasezerewe na Ajax ku kinyuranyo cy’ibitego 3-2 mu mikino yombi,bituma imigabane yayo igabanukaho 22 ku ijana ku isoko ry’imari n’imigabane.
Ku isoko ry’imigabane ryo mu mujyi wa Milan,iyi ikipe yamanutseho 17 ku ijana ku isoko ry’imari n’imigabane.
Imigabane ya Ajax ku isoko ry’imari n’imigabane yazamutseho 7.8 ku ijana ndetse agaciro kayo kazamutse kuko ushatse kuyigura yatanga akayabo ka miliyoni 272 z’amapawundi.
Juventus yasezerewe itsindiwe mu rugo ibitego 2-1 na Ajax ikomeje gutungura benshi kubera ukuntu ikipe yayo yubatswe neza.
Ajax yatumye Juventus igwa mu gihombo