Kidum yashinje The Mane ubujura kubera indirimbo yakoranye na Marina
Nimbona Jean Pierre umaze imyaka irenga 20 azwi mu muziki nka Kidum yashinje The Mane kuba baramwambuye uburenganzira ku ndirimbo Mbwira yakoranye na Marina barangiza bakayiyitirira bonyine.
Kidum yavuze ko The Mane yasabye You Tube ko yasiba iyi ndirimbo ku rubuga rwe hanyuma ikayibarekera Bonyine ibintu bitashimishije uyu Murundi nkuko yabyanditse ku mbuga nkoranyambaga ze.
Kidum yagize ati “Abantu tumeze gute!?Team ya Marina bahengereye bararonse ivyo barondera kuri jewe Baca bigira abanyabwenge kwandikira abo muri YouTube yuko indirimbo yitwa Mbwira twakoranye na Marina ijoro numurango aribo gusa bayifitiye uburenganzira kuri youtube iwanje ica irafutwa. Ariko kubera iki abantu mumeze gurtyo!?Ivyo twumvikanye murabirenzeko? Murambabaje vraiment. Ngiye nanje gusaba kuri youtube yanyu bayikure.
Hanyuma muribeshe kabisa kubera jewe ndi umwanditsi windirimbo nyinshi Kandi zama zakunzwe. Uyo mu artiste wanyu mumukoreye amakosa manini cane. Kubandi Nabo bacaruka mutumye ntinya cane gukorana nabandi ba artistes kubera ubwobukunzi bwinda bwanyu no gukunda kwishira hejuru. Ibi tuvyita mechancete.
Ntimunyivye ivyo nzi gukora. Muri abana kabisa. Uku ni ukwiba. Amajoro twakoranye namwe kugirango indirimbo isohoke, muhengereye muronse ivyo mwipfujije kuri jewe muciye mubesha YouTube yuko arijewe ndi umusuma canke umujura!!!! Shame on you.
Iyi ndirimbo Marina na Kidum bise ‘Mbwira’ amashusho yayo yagiye hanze mu gitondo cyo kuwa Gatatu tariki 28 Kanama 2019. Amajwi yayo yakozwe na Made Beats naho amashusho afatwa na Julien BM Jizzo.
Indirimbo yashyizwe kuri You Tube ya The Mane n’iya Kidum gusa ngo iyi nzu ifasha Marina yahise isaba ko iyi ndirimbo isibwa kuri You Tube ya Kidum kugira ngo irye amadolari yonyine nkuko Nimbona Jean Pierre Kidum yabitangaje.
Comments
Rubangura Jean 30 December 2019
Ibyo nib’arukuri ntabwarumucomyiza bikosore kugirangobabone abafana