MINEDUC yashyize hanze amanota y’abasoje amashuri yisumbuye na TVET umwaka wa 5
Mu mwaka w’amashuri wa 2019, Abanyeshuri bakoze ibizamini bya Leta mu cyiciro gisoza amashuri yisumbuye (S6) bose hamwe bari 46,861 ugereranyije na 42,145 muri 2018.Harimo abakobwa 22,803 bari ku kigero cya 54.10% n’abahungu 19,342 bari ku kigero cya 44.90%.
Abakobwa batsinze ku kigero cya 93.2% n’ukuvuga abangana na 22,170 ku bihumbi 25,644 bakoze ibizamini.Abahungu batsinze ku kigero cya 86.5% ( hatsinze ibihumbi 19,774 mu bihumbi 21,217 byakoze ibizamini).
Muri 2019 abatsinze ibizamini bose hamwe ni 89.50% (41,944) ugereranyije na 88.22% batsine muri 2018.Biyongereyeho 1.27%.
Mu mashuri ya TVET abanyeshuri bakoze ibizamini byanditse n’ibyo kugaragaza ubumenyi (practical exams) ni 19,231.Abatsinze bangana na 91,1%.Ababaye aba mbere mu mashami atandukanye, buri wese yahembwe mudasobwa igendanwa.
Kureba amanota kuri internetn’ukujya ku rubaga rwa REB [ http://reb.rw] ugakanda ahanditse “View exam results”.Uhitamo S6 ugashyiramo nimero wakoreyeho ikizamini n’amasomo wize [combinations] ukongeraho 2019 warangiza ugakanda [enter] .
Kuri SMS wandika S6 ugakurikizaho nimero wakoreyeho ikizamini ukongeraho 2019 ukohereza kuri 4891. Urugero: [S60101030MPC0012019] ,ukohereza kuri 4891.Ubundi buryo n’ukwandika muri telefoni yawe *727*100# warangiza ugakurikiza amabwiriza.
Ababaye aba mbere mu mashami atandukanye:
1. Herve Raymond Mpano: PCB
2. Magambo Aime Richard: PCM
3. Ishimwe Pacifique: MCB
4. Munezero Bagira Sosthene: MPC
5. Umurerwa Jazilla: BCG
6. Izanyibuka Yvette: MCE
7. Iradukunda Moise: MEG
8. Kagabo Emmanuel; HEG
9. Kwihangana Frederick: LKK
10. Ntivuguruzwa Enock: LFK
11. Teta Sheilla: HEL
12. Cyuzuzo Martha: HGL
13. Nzamurambaho Jean: LEG
14. Ndayishimiye Gerald: LKF
