Iniesta yatunguwe n’igishushanyo yakorewe yambaye ubusa [AMAFOTO]
Uyu munyabigwi yahawe icyubahiro n’abaturage bo mu gace kitwa Albacete avukamo, bamwubakishirije icyo gishushanyo ariko cyatunguye benshi kubera ko uwagikoze yamwambitse ubusa buri buri.
Abantu bo muri Albacete bahaye icyubahiro Iniesta kubera ko yafashije igihugu cya Espagne kwegukana Igikombe cy’isi n’ibikombe 2 bya Euro.
Javier Molina wakoze iki gishushanyo yagize ati "Ubwo nakoraga iki gishushanyo narebye imbere n’inyuma nta myenda mbona gikwiriye kuba cyambaye ubusa."
Iki gishushanyo cyagombaga kurangira muri Nyakanga uyu mwaka ariko ntabwo byakunze kubera Coronavirus ariyo mpamvu ngo kizarangira mu mwaka utaha.
Abaturage bo muri Albacete bifuzaga ko iki gishushanyo kirangira tariki 10 Nyakanga uyu mwaka kugira ngo gihurirane n’itariki Espagne yatwariyeho igikombe cy’isi 2010 itsinze ubuholandi.
Espagne yatsinze Ubuholandi igitego 1-0 cyatsinzwe na Iniesta habura iminota 4 ngo iminota 120 yakinwe ngo irangire.
Iniesta akimara kubona iki gishushanyo ari gukorerwa yagize ati "Mwakoze kunyambika ubusa."
