Real Madrid yegukanye igikombe cya 34 cya shampiyona ya Espagne [AMAFOTO]
Karim Benzema niwe watsinze ibitego 2 byose bya Real Madrid nyuma yo gufungura amazamu ku munota wa 24 ku mupira mwiza yahawe na Modric hanyuma ku munota wa 77 atsinda igitego kuri penaliti yakorewe kuri Sergio Ramos.Igitego cya Villareal cyatsinzwe na Vicente Iborra.
Ku rundi ruhande,FC Barcelona yari itegereje ko umukeba atsindwa imikino 2isigaye yo ikayitsinda kugira ngo itware igikombe,yagowe na Osasuna yayitsinze ibitego 2-1 gusa iki kimwe yagitsindiwe na kabuhariwe Lionel Messi kuri coup Franc.
Iki n’igikombe cya 34 Real Madrid itwaye nyuma y’imyaka 2 y’imikino FC Barcelona yaracyigaruriye.FC Barcelona ifite shampiyona 26 mu gihe Atletico Madrid ifite 10.
Mu gihe habura umukino umwe ngo shampiyona ya 2019/2020 irangire,Real Madrid ifite amanita 86,ikurikiwe na FC Barcelona ifite amanita 79.Atletico Madrid ifite 69 hanyuma Sevilla ikagira 67.
Nyuma y’aho imikino ya La Liga isubukuriwe gahunda ya guma mu rugo irangiye,Real Madrid ntiyatsinzwe cyangwa ngo inganye kuko imaze gutsinda imikino 10 yose.
