Perezida Yoweri Kaguta Museveni yakoze impinduka zikomeye mu miyoborere y’igisirikare cya Uganda
Yahereye kuri Brig. Gen. Richard Karemire wari umuvugizi w’Ingabo z’igihugu, amugira umunyamabanga Mukuru wa EAC ushinzwe imikoranire mu bya gisirikare (military liaison). Umwanya yariho uhabwa Brig. Gen. Flavia Byekwaso.
Mu zindi mpinduka zabaye muri iki gisirikare cya Uganda:
Mu rwego rwa gisirikare rushinzwe iperereza (CMI), Brig. Gen. Richard Otto yagizwe Umuyobozi wungirije w’uru rwego, asimbuye Brig. Gen. Charles Asiimwe wagizwe umuyobozi w’ikigo gishinzwe kurwanya iterabwoba.
Brig Karemire yoherejwe mu bunyamabanga bukuru bw’Umuryango wa Afurika y’Iburasirazuba (EAC) nk’umuyobozi ushinzwe imikoranire mu bya gisirikare, asimbuye Brigadier General Victor Twesigye uheruka gupfa aguye iwe mu rugo iwe i Nyarushanje ahitwa Rukungiri, nyuma yo kugwa mu bwiyuhagiriro.
Gen. Maj. Hudson Mukasa yagizwe Umugaba Mukuru w’Inkeragutabara asimbuye Gen. Maj. Eric Mukasa uherutse gupfira mu bitaro bya Nakasero muri Kampala.
Gen. Maj. Don Nabaasa yagizwe Umugaba w’Ingabo za Uganda ziri mu butumwa bw’amahoro muri Somalia, AMISOM.
Brig. Gen. Emmanuel Rwashande yagizwe Umuyobozi ushinzwe ubufatanye bw’igisirikare n’abaturage, Brig. Gen. Mathew Gureme umuyobozi ushinzwe imyitozo ya gisirikare.
Col. Keith Katungi yagizwe Umuyobozi w’umutwe w’ingabo ushinzwe imyitwarire y’abasirikare (Military Police).
Gen. Maj. Francis Okello yagizwe Umuyobozi w’ishuri rikuru rya gisirikare.
Abahawe inshingano zo guhagararira Uganda mu bihugu byo hanze mu rwego rwa gisirikare:
Brig. Gen. James Kaija azahagararira Uganda mu Bwongereza,
Brig. Gen. Fred Karara muri Sudani
Brig. Gen. Christopher Bbossa mu Bushinwa
Brig. Gen. Mike Kisame muri Kenya
Brig. Gen. Simon Ocan mu Busuwisi
Brig. Gen. James Nambale muri Turukiya
Col. Bahoku Batigye muri Cuba
Brig. Gen. Flavia Byekwaso ni we wagizwe umuvugizi mushya w’ingabo za Uganda, UPDF