Sergio Ramos yashwanye na bagenzi be babiri bakinana bapfa umusaruro muke
Ikinyamakuru Diario Sport kivuga ko Ramos aherutse guterana amagambo mu rwambariro na Isco na Marcelo bapfa kwitwara nabi mu mikino bakinnye nubwo atari myinshi.
Aba bakinnyi bashwanye bapfa gutsindwa mu mikino 2 yabaye mu cyumweru gishize irimo Cadiz na Shakhtar Donetsk ndetse Ramos ngo yabashinje ko mu mwanya bahawe batafashije ikipe.
Ubu bushyamirane bwabaye nyuma yo gutsinda FC Barcelona ibitego 3-1,nyuma y’aho Isco na Marcelo bimwe umwanya uhagije wo gukina.
Amakuru avuga ko Isco yanze kuvugana na kapiteni Ramos biba ikibazo ndetse ngo na Marcelo yari mu bibasiwe uwo munsi.
Ibi bije nyuma y’amakuru avuga ko Isco yagaragaye ari kunenga cyane umutoza Zidane amuziza gusimbuza akererewe ku mukino wa FC Barcelona.
Isco yafashwe amashusho na TV yo muri Espagne yitwa Movistar agira ati “Iyo Zidane aransimbuza abikora mu minota 50,60 cyangwa rimwe na rimwe mu gice cya mbere.Iyo ndasimbura anyinjiza mu kibuga ku munota wa 80.”
Uyu mukinnyi w’imyaka 28 yavuganaga na bagenzi be Marcelo na Luka Modric ubwo yari arakaye kubera kubura umwanya wo gukina aho ikinyamakuru Diario Sport cyavuze ko Marcelo yasetse cyane ubwo yumvaga kwitotomba kwa mugenzi we.
Isco amaze kubanza mu kibuga mu mikino 2 muri uyu mwaka w’imikino irimo uwa Real Valladolid batsinze n’uwo batsinzwemo na Cadiz agasimburwa igice cya mbere kirangiye.Uyu mukino wa Cadiz niwo Marcelo yabanje mu kibuga muri La Liga wonyine.
Aba bakinnyi ntibanagaragaye mu mukino wa UEFA Champions League,Real Madrid yanganyije bigoranye ibitego 2-2 na Borussia Moenchengladbach.
Comments
Moïse bujumbura 29 October 2020
Oya Abo bakinyi barazi gukina ariko kuba umumenyereaza atabakinisha cane ntibari mubihe vyiza Zidane ntakoresha umukinyi ngo nuko yubatse izina oya araba Aho umukinyi ageze muruwo mwanya twibuke amateka balle yzkoze muri Real de Madrid muga haragezeho no kurutonde rwabasimbura aburako