Print

Nirisarike Salomon yasanganwe Covid-19 bituma atitabira ubutumire bw’Amavubi

Yanditwe na: Dusingizimana Remy 30 October 2020 Yasuwe: 887

Uyu myugariro ukinira iyi kipe yo muri Armenia akaba agiye kumara ibyumweru 2 mu kato bituma atazagaragara ku mukino wa Cape Verde.

Uyu mukinnyi w’imyaka 27 y’amavuko yerekeje mu ikipe ya Pyunik FC yo mu kiciro cya mbere mu gihugu cy’Armenia mu mwaka w’imikino ushize avuye mu Bubiligi aho yari amaze imyaka 7.

Nirisarike mu myaka 7 yari amaze muri shampiyona y’u Bubiligi yakiniye amakipe ya Antwerp FC, Saint Truiden ndetse na Tubize FC.

U Rwanda ni urwa nyuma mu itsinda F n’amanota 0, nyuma yo gutsindwa na Mozambique ibitego 2-0 ndetse na Cameroun igitego 1-0 mu mikino ibiri imaze gukinwa, yombi yabaye mu Ugushyingo 2019.

Amavubi azabanza kwakirwa n’Ikipe y’Igihugu ya Cap-Vert tariki ya 11Ugushyingo mu gihe umukino wo kwishyura uzabera i Kigali tariki ya 17 Ugushyingo 2020.

Ku wa Mbere tariki 26 Ukwakira 2020, nibwo ikipe y’igihugu Amavubi yagarutse mu myitozo nyuma y’akaruhuko kahawe abakinnyi bakina imbere mu gihugu kuwa 19 Ukwakira 2020