Anele Ngcongca wakiniye ikipe y’igihugu y’Afurika y’epfo yahitanwe n’impanuka
Uyu myugariro wakinaga inyuma ku ruhande rw’iburyo yakoreye impanuka yahitanye ubuzima bwe ahitwa KwaZulu-Natal.
Mu mpera z’icyumweru gishize,Bwana Ngcongca yari mu mujyi wa Durban aho yashakaga gusinyira AmaZulu nk’intizanyo ya Sundowns.
Uyu mugabo yagombaga kwerekanwa nk’umukinnyi mushya w’iyi kipe mu cyumweru gishize ariko ntibyakunze kuko iyi kipe yari ifitanye umukino na Sundowns yakiniraga kuri iki cyumweru ndetse ngo ntiyari yemerewe guhangana n’ikipe yahozemo.
Nyuma y’aho AmaZulu itsindiwe ibitego 4-3 na Sundowns kuri iki cyumweru,byari byitezwe ko uyu mukinnyi yerekanwa muri iki cyumweru.
Anele Ngcongca yakinnye imikino 300 mu makipe atandukanye ku mugabane w’I Burayi arimo Genk mu Bubiligi n’ayo mu Bufaransa ndetse yanakinnye UEFA Champions League muri 2012.
Yagarutse muri Mamelodi Sundowns muri 2016 nk’intizanyo ya Troyes yo mu Bufaransa.Ari kumwe na Pitso Mosimane,yatwaye ibikombe 3 byo muri Afurika y’epfo birimo PSL,Nedbank Cup na Telkom Knockout Cup.Yatsindiye Sundowns igitego 1 mu mikino 42 yayikiniye.
Anele Ngcongca yahamagawe inshuro 53 muri Bafana Bafana.