Gor Mahia iheruka gusezerera ikipe ya APR FC mu mikino Nyafurika yangiwe kujya muri Sudan
Ikipe ya Gor Mahia yari yanditse ibaruwa ku i Tariki 8 Ukuboza 2020 isaba ko yakwemererwa kujya mu gihugu cya Sudan gukina umukino wa gishuti n’ikipe ya Al Hilal yo mu gihugu cya Sudan.
Umukino wari uteganijwe ku wa 16 Ukuboza 2020 mu rwego rwo kwitegura ikipe yo mu gihigu cya Algeria yitwa Belouizdad izahura n’ikipe ya Gor Mahia mu mikino y’ikiciro gikurikiye mu irushanwa rya CAF Champions League.
Ishyirahamwe ry’Umupira w’amaguru mu Kenya, ryasubije Gor Mahia ko itemerewe kujya muri Sudan kuko Shampiyona y’ikiciro cya mbere ikomeje, ndetse ikaba ifitanye umukino n’ikipe ya Tusker FC utegerejwe ku wa 16 Ukuboza, 2020.
Ikipe ya Gor Mahia yagombaga kujya muri Sudan ku i tariki 14 Ukuboza 2020.
Tubibutse ko iyi kipe ariyo yakuyemo ikipe ya APR FC yo mu Rwanda, mu irushanwa ry’Amakipe yabaye aya mbere iwayo iyi tsinzwe ibitego 3-1. Mu mukino ubanza APR FC yari yatsinze 2-1.