Biratangaje!! Reba amakipe 8 Messi yananiwe kwinjiza igitego mu yo amaze guhura nayo yose
Messi yinjije ibitego amakipe hafi ya yose yitwa ko akomeye bahuye yaba muri UEFA Champions League,LA LIGA,Copa del Rey,Super Cup, FIFA Clubs world cup.
Biratangaje ko amakipe 8 ariyo Messi yananiwe kwinjiza igitego ariko yose harimo ikipe imwe gusa ikomeye kuko n’izari zaramunaniye zirimo Juventus na Liverpool yazitsinze ibitego mu myaka mike ishize.
Mu myaka isaga 17 amaze akina umupira w’amaguru nk’uwabigize umwuga muri FC Barcelona gusa, Messi amaze gutsinda ibitego 655 mu mikino 762.Amaze guhura n’amakipe 78 ariko 70 yayinjije ibitego.
Ikipe ikomeye Messi atarinjiza igitego ni Inter Milan mu mikino 4 amaze guhura nayo zirimo 3 itozwa na Jose Mourinho harimo izo bahuye kabiri muri Champions League 2009/2010.
Andi makipe yamunaniye ni Rubin Kazan, Benfica, Udinese, Al Saad, Xerez, Murcia na Gramenet.
Gramenet yatsinze umutoza Frank Rijkaard muri Copa del Rey icyo gihe Messi yakinnye umukino we wa 3 muri FC Barcelona.Yananiwe kwinjiza igitego Udinese muri Champions League 2005 ubwo bayinyagiraga 4-1 birimo 3 bya Ronaldinho.
Ahura na Al-Sadd, Real Murcia na Benfica,Messi yatanze imipira ivamo ibitego ariko ntiyabasha gutsinda ibitego mu gihe Xerez yo yamurokotse kubera ko yinjiraga mu kibuga asimbuye mu mikino 2 bahuye muri La Liga.
Rubin Kazan yo mu Burusiya yagoye cyane Messi na Barcelona kuko mu nshuro 4 bahuye bayitsinze rimwe,banganya 2 batsindwa rimwe.