Umuryango w’abaganga gatolika muri Kenya wanze ingamba zo gukingira Covid-19
Nk’uko ikinyamakuru Nation cyabitangaje, uyu muryango uvuga ko uburyo bwo kwirinda iki cyorezo nko kwambara agapfukamunwa, gupima abagaragaza ibimenyetso bose no kuvura abakirwaye buhagije, bagasaba Abanyakenya kutemera kuruterwa.
Dr. Stephen Karanja uhagarariye uyu muryango, abona ko hari inyungu abarimo umuherwe Bill Gates baba bafite mu gutera abatuye Isi izi nkingo, cyane ko bashoyemo amafaranga yabo kugira ngo bikorwe. Yagize ati: “Birasa n’aho Bill Gates yashyizemo igishoro kugira ngo Isi yose ikingirwe.”
Uyu muryango urabuza abaturage gufata inkingo za Covid-19 mu gihe imiryango mpuzamahanga nk’ushinzwe ubuzima (OMS) ivuga ko inkingo zirimo Astra Zeneca ziri koherezwa muri Afurika binyuze muri gahunda ya Covax zizewe.
Ubu bukangurambaga bwo gusaba abaturage kwemera inkingo za Covid-19 burakorwa kandi n’abo mu nzego zitandukanye barimo Abakuru b’Ibihugu ndetse n’abo mu nzego zishinzwe ubuzima.